بجد موضوع الملف محيرنى وشاغل ذهنى وحسيت بحزن داخلى ان حا افتقد صحبه حلوه وناس حبيتهم
من غير ما اشوفهم لكن فرحت جدا لحاجتين
اولا عودة بلو روز بجد افتقدناكى وحزنا لظروفك كلنا نورتى بين اخواتك
وحاجه تانيه روان مش عارفه اسمك كده صح فرحت جدا ان فى كلمه اتقالت فى الملف هنا وأثرت فيكى وفعلا غيرت من فكرك
فحمدت ربنا ان الحمد لله تجمعنا له أثر ايجابى
وكمان القصه ال لميا نزلتها جات فى وقتها جدا ان الشيطان مش عاوز تجمعنا لانه فيه خير كتير
ياريت الغايبين يرجعوا وتحدى الشيطان
روان موضع النوايا ده بصراحه مأثر فيا انا كمان جدا لان فعلا الحياه بتاخدنا فلازم تجديد النيه والنيه فى كل الافعال محلها القلبمش لازم التلفظ باللسان
المكرونه بالزبادى هى نوع سلطه تسلقيها وتضيفى لها توم وليمون وملح وفلفل كمون وزبادى وزيت زيتون
وممكن مع نفس الاضافات دىتضيفى بطاطس مكعبات وباذنجان مكعبات ومقليه تبقى نوع تانى
او نفس التتبيله لكن مع عدس بجبه مسلوق وحمص مسلوق
يبقى كده ثلاث انواع للمكرونه للزنقات واكيد هى والجلاش نشويات لكن مع الزنقه المخ بيتوقف عن التفكير
فيميل افكارك جميله وانا كمان عايزه اعمل معجنات لكن حاله من الكسل
ام سوسو يومياتك ما شاء الله كلها همه والتجديد مطلوبوربنا يبارك لك فى بناتك
ماما زوزو دايما كلامك المختصر المفيد جزاك الله خيرا
مرمر خلاص انتى ال حكمتى لازم تشاركى كل يوم باى جديد
عملت مربى جزر وعليها برتقاله بقشرها مضروبه فى الخلاط بتعطيها طعم جميل
يالا يا بنات عندكو واجب كل واحده تفكر وتكتتب لنا
كانت مادو ربنا يفك كربها قالت مره فكره حلوه عايزين نرجع لها
بما ان ما فيش وقت ممكن تفتحى فى اكتر منشغله للبيت فى وقت واحد عشان توفرى وقتك وجهدك
اجاوب لكو على الواجب ده غدا ان شاء الله لان الكل بينادى عايزين نتعشا
يالا سلام





والنيه فى كل الافعالمحلها

بلو روز

حمد لله على سلامتك نورتى

عروس فرحت لما قولت مش هتسيبينا

اهلا بلو روز
انا متبعاكو بس مشغوله شويه منها كرتونه التليفزيون الى عملتها ترابيزه جانبيه


لما اظبط امورى هرجع ومعايا افكار جميله

ياريت توضحى الفكره اكتر عايزه اشوفها:35:

ازيكم يا بنات وحشتونى جدا

الملف نايم كدة ليه

عروس وام سوسو يومياتكم جميلة

انا طبعا صاحية تقريبا طول الليل والنهار بس انا اصلا كنت بنام قليل قبل كدة

عشان كدة بفكر الاكل اللى هاعمله بكرة واحاول احضره قبل ما انام لانى طبعا بصحى متاخر

بصراحة من ساعة ما جيت من السفر وانا مش قادرة اركز في البيت اوى وكمان اهلى وحشونى واخوى عمل عمليتين ورا بعض وقلقانة عليه ربنا يشفيه ويكرمه يارب

بلو روز

ازيك يا حبيبتى وحشتينا