الف سلامة على بودى يا ايمان ربنا يشفية ويعافية ان شاء الله

بلوروز...حمد الله على سلامة وعايزينك تشاركى اكتر
ايمان ...الف سلامة على بودى..ايه حكاية الوقعات الكتييرة دى
ام البنات...ربنا يبارك لك فى والدك ويرزقك بر ابنائك...."الاريستون يا ستى معروف انها ماركة محترمة جدا ماما عندها منه البوتاجاز بقاله مليون سنة تقريباههههههههه....واختى عندها عسالة الاطباق ويرضه ممتازة بس بصراحة محدش عندنا جرب غسالة الملابس ..بس انا بصراحة مرة شوفتها فى محل وعجبتنى اوى"
مامازوزو...ما تغيبيش تانى علشان خاطرنا كلنا ...حضرتك خبرتك كبيرة ....ومحتاجينك معانا الايام دى جدااااااااااااااااااااااا
عروس حبيبتى ...دايما كلامك فى الصميم بصراحة كده بتقولى اللى معظمناعايز يعبر عنه بس مش عارف ....وانا اول واحدة عملت الواجب اللى انتى طلبتيه بس حاكتبه فى مشاركة تانية

بمناسبة ان مافيش وقت...من يومين لقيت نفسى مضطرة اعمل حاجات كتيييرة اوى فى وقت واحد...وخلى بالكو انا بقول كنت مضطرة الان انا بعانى من مشكلة التسويف ...المهم
كنت مضطرة انى اطبخ وانضف البيت على السريع وانضف المطبخ برضه على السريع ويعدين انزل الف اشترى حاجات وكل ده فى الفترة من11 ص الى 2 ظهرا وما كنش عندى اى اكل متحضر من قبل كده ...وفىالاحوال العادية انا يدوبك اطبخ وبعدين احس ان البنزين خلص
قبل ما افطر حمرت بصلة على السريع مع حبهان وورق لورو وفلفل اسود وعاهم الفراخ تاخد تشويحة وبعدين حطيت المية علشان تتسلق "الطريقة دى بتقضى على الريمة بتاعة الفراخ وبتخلى طعم الشوربة تحفة"
اثناء والفراخ بتتسلق جبت الحلة اللى حاعمل فيها الملوخية وكان عندى شوربة جاهزة فى الفريزر حطيتهم على بعض وكسبت وقت بدل ما استنى لما الفرخ تستوى
وكل دا شغال على النار فطرت انا وابنى وبعدين غسلت كومة اطباق وبعدين طلعت على الصالة وغرف النوم روقت ولمعت على السريع وبعدين كنست بالمكنسة
طفيت على الفراخ والملوخية كانت جاهزة
لبست ونزلت اناوابنى علشان نشترى حاجات
رحعت البيت اتغدينا وبعدين خلاصصصصصصصصصصصصصصصصصصص
قعدت يومين بعديها نايمة فى السرير
يالا اهواحسن من مافبش
انا رغيت كتيير اوى المرة الجاية حاقولكو عاى المكرونة بالبشاميل اللى عملتها النهاردة وطلعت خرااافة
باى علشان اروح اغسل الاطباق

السلام عليكم

ازيكم يابنات عاملين اية

وحشتوني معلش بغيب واجي كل شوية معرفش كدة لية المهم الغيبة المرة دي ان زوجي كان تعبانة شوية

والحمد لله الموضوع انتهي وعدي علي خير

انا شايفة كلام كتير كدة ومش فاهمة حاجة من زعل وزعل من اية اصلا

بس انا شايفة معظم المشاركات بتقول احنا استفدنا من الملف والصحبة الحلوة فرقت معانا جدا

ودة نفس احساسي بجد بجد كل وحدة بتكتب معلومة او دعاء او قصة عبرة موقف

بيفرق معايا جدا جدا ساعات بحس ان حصيلة اليوم من معرفة ممكن تتاخد من صفحات الكتابة في الملف دة

واكتر حاجة بتعجبني بقي هي ان الي بتكتب تجربتها انسانة عادية وراها التزامات ىوبيت واسرة وممكن كمان تكون بتعمل

يعني مش وحدة متفرغة لشيء معين واو بتتكلم من فراغ او بتقول كلام وبس

فدة بيخلق عند كل وحدة روح التنافس لئن هي دي طبيعه البشر كل شخص عايز يبقي افضل واحسن يعني لما وحدة تقول

مثلا انا واظبط علي سنة معينة بتدي دفعه للبنات انها تكون زيها ويمكن افضل وكذلك في شغل البيت او الحياه العامة


ايمان

الف سلامة علي بودي دة شكلة شقي قوي ربنا يحفظة ويحمية ويهدية هو وولادي واولاد المسلمين اجمعين

بالنسبة ليومياتي بقي

يعتبر النهاردة يوم مريح شوية لئن الشقة متروقة وفلة اصل كان عندي ضيوف بليل ههههههههههههههه

صحيت الصبح نزلت بنتي المدرسة وحضرت الفطار لبباها ونمت وابني بقي معجبهوش ساعتين وصحاني دخلت علي المطبخ روقتة

بسرعه وعسلت المواعين اصلي سبتها من امبارح وطلعت لحمة مفرومة علي مافكت كنت قطعت الباذنجان والكوسة وقلتهم

علي شان كنت عاماة صينية مسقعة بالبشاميل وصينية كوسة بقالبشاميل

خلصت وحطتهم في الفرن وبعد كدة روحت علي غرفتي روقتها وحميت ابني واختة جت من المدرسة وعملنا الهوم ورك

والحمد لله بقية اليوم فيري حتي عندي الحلو من امبارح