هل تعلم العلاقة بين عينيك ؟

فهما ترمشان معاً وتتحركان معاً وتبكيان معاً وتريان الأشياء معاً وتنامان معاً

ومع ذلك لا يرون بعضهم

فيجب أن تكون الصداقة كذلك اتمنى ان شاء الله ان نكون لبعضنا البعض كالعينان

اسال الله العزيز الكريم رب العرش العظيم ان يشفى ابن اختنا عروس وبنت اختنا ام يوسف وابن اختنا ايمان واخى واختى ووالدى وجميع مرضى المسلمين

سبحانك اللهم وبحمدك اشهد ان لا اله الا انت استغفرك واتوب اليك

اللهم فرج همنا يارب

يا بنات ادعو لى ضرورىىىىىىىىىىىىىىىىىىىىىىى

ازيكم يا بنات
اخبار الحاضرين والغايبين
ايمان الف سلامه على بودى وابقى ارقيه وحطى ايدك على دماغه وقولى
بسم الله اللهم انى اعوز بك من كل عين لامه ومن كل شيطان وهامه
وميزتها انها سريعه وتتقال كده فى كل وقت وومكن نرقى بالمعوزتين مره اخرى
بصى بقا يا ايمان حل بودى انك تخاويه يلا بقا يا جميل اتوكلى على الله وبصدق هيريحك لانه هيلاقى حد يلعب معاه ويلاهيه
ماما زوزو بصدق المفروض مشاركاتك تكون فى ملف مستقل اما فيها من الافاده ولا ازكيكى على الله و لكى مكانه خاصه فى قلبى

اللهم فك كرب المكروبين واشفى مرضى المسلمين واغفر لى ولزوجى وفك كربه امين
عجبنى قوى كلامكم عن الاستغفار وتعالو النهارده كانا نستغفر بنيه فك كرب المسلمين وشفاء مرضاهم اجمعين
اللهم اهدى كل عاصى

شويه نصايح كده وحاجات عملتها اتمنى تفيدكم

شوربه البط كان في عليها دسم كتير على وش الشوربه اخدته بالملعقه بعد ماتلجت الشوربه وعبيته فى علبه فى التلاجه اطبخ بيه وطعم الاكل جميل ومرفر واه احسن من السمنه المصنعه انا جربتها مع صنيه البطاطس جميله والخضار وممكن المحشى

حطيت سبت صغنون على الرخامه فى الحمام وبحط غيار داخلى لزوجى جاهز بزوقه بالورد المجفف ورشه كمفرت وقلب دبدوب كده يعنى مريح بدل ما كل شويه ينده عليا فين الغيااااااااار هههههه وكل ما يستعمله احط غيره مريح بالنسبه ليا

الشماعات البلاستك لزقتها داخل الدولاب لترتيب العقد وفى دولاب بنتى اعلق ايس كاب وشنططها فيها الكريم الشعر والمشط

الكاسات فى النيش كاس واحد فقط حطيت فيه شويه شربات مخفف احمر مش كتير اقل من نصف الكاس وحطيته فى النيش مره اخرى شكله وااو بس لازم الكاس يكون ساده انا شفت الفكره فى محل للانتيكات راقى فى صنيه فيها ورد مجفف احمر 6 كاسات فيها الفكره الى انا قلت عليها شكلهم كان جميل قوى
اشارب تل احمر فيه جليتر كشكشته على التسريحه ورتبت البارفانات عليه كل الى شافه اعجب بيه قوى يا بنات جربوها

وحاليا ماشيه ادعبث فى البيت على كل الى مش بنستعمله عشان افنشه من البيت جوا الدولاب كل الى مش بستعمله انا وعيالى على طول الاى حد محتاجه فورا بعد اما اغسله واطبقه واحطه فى شنطه حلوه

يومياتى طبخت رز بنى وعلى الوش زوقته ومعاه شوربه سى فود من اختراعى شوفو الطريقه فى ملف ايمان

يومياتى الدينيه الحمد لله وماشاء الله مواظبه على قراءه كل يوم وسماع السور كل يوم الى بحفظها وصلاه ركعتين قيام وماشاء الله من الله عليا بحضور حلقه للتحفيظ ادعولى بالله عليكم اواظب فيها ولما ذهبت للحلقه قالو ان اخت منهم شافت رؤيه انهم جالسين فى الجنه ومعلمه القرءان تقراء من سوره هود
واما الذين سعدوا ففى الجنه خلدين فيها ما دامت السموات والارض الا ما شاء ربك عطاء غير مجذوذ
ايه 108
فنفسى قوى اواظب على هذه الحلقه علشان ابشر بالجنه كما بشرو
يارب الجنه يا رب الجنه بدون حساب ولا سابقه عذاب والله هذه الدنيا حقيره فلا تغرنكم
ادعيلى بالجنه علشان الملك يقول ولكى مثله

باقى بقى اسال على شيمو عطر التجمع هما ليه مختفيين وسلامى للجميع نفر نفر
سبحانك اللهم وبحمدك اشهد الا لا اله الا انت استغفرك واتوب اليك