يا سلام يا ماما زوزو والله معت عيونى كانى امى بتدعى ربنا يكرمك فى صحتك واهلك

اللهم فك كرب المكروبين لميا واشفي مريم بنت ام يوسف شفاءا لا يغادر سقما ، واشفي يارب والد واخت ام البنات وابن عروس وجميعا مرضانا ومرضى المسلمين

ام سوسو
ربنا يكرمك يارب و تسلميلي و تسلملي مشاعرك الجميله و يارب يديم المعروف

و اؤمن على كلامك فهذا الملف هو فعلا بيت للعائله يضمنا جميعا و كعاده اي بيت و اي اخوات بيحصل مشادات و مشاكل و لكن لان حبنا في الله حقيقي و بدون اي مصالح فلله الحمد الامور بتسير و المشاكل بتتحل


و بجد يا بنات لا تتصوروا بعد ما شاركت اليوم انا سعيده ازاي ؟؟
و الحمد لله النشاط دب في عروقي و قمت عملت اللي متكوم عليا بقى له كتير
يعني كان عندي كميه غسيل رهيبه قمت اخيرااااااا غسلت اول دفعه
و جوزي كان نفسه في فول بيتي بقى له اكتر من شهر و انا مطنش المطنش قمت قايمه النهارده دمست فوول
و كذلك بقى لي يمكن شهرين جايبه حمص الشام و نفسي اعمل سلطه حمص قمت كذلك اسلق الحمص

ايه تاني؟؟؟
طبعا جوزي عمال يكلم نفسه -----يا ترى خير في ايه النهارده ؟؟الحاله شكلها جت النهارده !!!!!!
ههههههههههههه طبعا انا سامعاه و عماله اضحك و خلاص

بجد يا بنات معنوياتي ارتفعت من بعد ما رجعتلكم تاني يارب ميحرمناش من بعض و من اجمل بيت عيله

هقوم دلوقتي اعمل ماسك مايونيز لشعري اصل نتايجه فتاااااااااااااااااااااكه
و غالبا هعمل اسكرب لوشي
و بعد كدا دش من بتوع زمان عشان اشيل الجلخ بتاع الشتا
على راي ميرو هههههههههههههههه
يلا سلام مؤقت

انا جيت لكو تانى
انجى انوج حبيبة قلبى انتى كمان واحشانى جدااااااااااااااااااا وان شاء الله لما انزل اسكندرية حبعتللك على الخاص علشان ضرورى نتقابل
توضيح صغير يا جماعة ....انا اسكندرانية الاصل والمولد ولكنى اتجوزت فى السويس وانا دلوقتى عايشة فى السويس مش بورسعيد
الست الوالدة بس هى اللى قضت جزء من حياتها فى بورسعيد علشان كده بتعرف اكلات كتيرة من هناك
حبيبة اوسو...اسمك هايا ولا انا غلطانة ...انا يا ستى زيك عندى ولد عنده 6 سنيين ومجننى وعنده فرط حركة وكلامه ملعبك حبتين
كان السنة اللى فاتت شاطر بس السنة دى كانه مدخلش مدرسة من اصله ولما ربنا كرمه وكلامه اتعدل شوية بقى يقل ادبه عليا
من اول ما الدراسة بدات وانا بزعقله بشكل هيستيرى بالذات ساعة الهوم وورك انا تعبت ...وكل الناس اللى حواليه شايفنى مجنونة ومكبرة الموضوع ....بس كمية المعلومات اللى بياخدها مش شوية وفى ابتدائى ***** الله ممكن يتعبنى اوى بالمنظر اللى هو فيه دا
دا غير انه بيرجعلى الايام دى بكمية الفاظ مستفزة ومش عارفة اعمل ايه

سبحانك اللهم وبحمدك اشهد ان لا اله الا انت استغفرك واتوب اليك

انوجى ................سلامتة غسالة الاطباق بتاعتك انا كمان عندى زيها وليها معايا مغامرات كتييرة بس الحمد لله عرفنا نتصرف قوليلى ايه المشكلة يمكن اقدر اساعدك
سبحانك اللهم وبحمدك اشهد ان لا اله الا انت استغفرك واتوب اليك