عروس جزاكي الله خير علي الدعوه وربنا يخليكي انك افتكرتيني وانا برضه موضوع النيه ده تعبلي دماغي من شويه كنت نزلت كتاب اسمعه تعطير الانفس هنزل اللينك بتاعه ان شاء الله وممكن ابقي كل ما اكتب شويه الخصهم وكان الفصل الاول كله تقريبا عن النيه
وفي هذا الجزء ذكر حديث الرسول صلي الله عليه وسلم "انما الاعمال بالنيات وانما لكل امريء ما نوي فمن كانت هجرته الي الله ورسوله فهجرته الي الله ورسوله ومن كانت هجرته لدنيا يصيبها او امرأة ينكحها فهجرته الي ما هاجر اليه "وبعد ذلك ذكر ان العلماء اختلفوا في الاحاديث التي تعتبر قواعد الاسلام لكنهم اتفقوا حميعا علي ان هذا الحديث احد قواعد الاسلام
اللهم ارزقنا جميعا الاخلاص في النيات وعلي فكره لما لاقيني كده عايزه اقرا وخلاص قلت اقوم اطبق عملي واعمل حاجه حلو للولاد بنية اسعادهم في سبيل الله وعملت المولتو بتاع عطر
عطر المولتو عملته جميل وسهل جدا لكن مكنش عندش شوكولاته فاخترعت وعملت كاكاو بالزبده وكان عندي فريش كريم حطيته عليه وسكر وطلع لذيذ لكن انا لاني موسوسه عموما من الحاجات اللي فيها بيض واحب انها تستوي كويس سبته شويه فمبقاش سايل اوي من جوه مع انه انا عارفه انه مفروض يكون سايل زي ما بناكله بره لكن برضه مرحمتوش وباكله وبنتي ربنا يهديها اكلت منه حته صغيره بالعافيه اصلها خلاص قربت تختفي من قلة الاكل ادعولي ربنا يفتح نفسها
ايمان الف سلامه عليكي ان شاء الله تكوني احسن

http://www.4shared.com/file/27113129/78d95e6c/____.html
كتاب تعطير الانفاس من حديثالاخلاص

عروس
شكرا ليكي ترحيبك بيا انا فعلا كنت معاكم بس متقطعه مش دايما و عاوزه اتكون معاكم علي طول
و بمناسبه كلامه عن النيه فعلا عندك حق زي ما الرسول قال (عليه الصلاه و السلام) انما الاعمال بالنيات
فعلا كل حاجه الواحده بتعملها ف بيتها خير و اهم حاجه النيه

و يا ريت تبعتيلي كتاب شهيده بتاع الشخصيات (لو مفيهاش غلاسه)

كنزي ربنا معاكبي و يفك كربك اقري سوره البقره و ان شاء الله خير

ايمان
=====الف سلامة عليكى يا قمر ممكن يكون بداية برد حاولى تشربى ينسون بالزنجبيل ررررااائع والف سلامة على بودى
عروس
===== ما شاااا الله وبارك الله فيك و نتمنى منك النزيد من النصايح الجميلة
كل بنات الملف انتم حقا تستحقون الشكر والاحترام
يومياتى
=====
ليس بها جديد ولا مفيد
الا اننى قرات ان النفس تمل من تكرار الطاعة
فيجب ان ننجز كل يوم شىء جديد فى الدين
وقلت لاوم اجرب مرة بقى كفاية كل شوية اقرا من غير تنفيذ
طلعت كتاب الكبائرو شرعت فى القراة وكذلك ماااازلت ادرس كتاب اصول الوصول والليا بنات كتاب راااااائع اوصى كل واحدة باقتنائه
قلبى فى تقلب وكذلك اشعر بالكسل
شغل البيت المعتاد وكل يوم اقول بكرة
تعبت من التسويف
لازم قرار لازم لازم اعمل حاجة فى نفسى لو حد عنده حل يرد على
ادعو لى اكمل ورد حفظى من القران بكرة موعد المحفظة ولسة السورة مكسرة وكذلك ورد المراجعة
اللهم استرنا فوق الارض وتحت الارض ويوم العرض عليك
(((( اخواتى الحياه من تحت النقاب جنة والله جنة لكم اشعر بالفخر وانا مختلفة عمن حولى واشععر بالارتياح وانا لا يرانى احد
النفاب فخر وعزة وسعادة ))))
هذه رسالة لكل من تتردد فى ارتداء النقاب
معلش افكارى ملخبطة شوية ولكن هذا ما بداخلى وحبيت افضفض
امضاء واحدة ملخبطة

السلام عليكم ورحمة الله وبركاته

عروس حبيبتي الف سلامه علي ابنك.. قوليلي انتي جربتي عسل النحل مع زيت الزتون علي الريق اسمع انه مفيد اوي .

موضوع النيه انا لما بصحي من النوم علي طول بحتسب عمل اليوم كله ابتغاء مرضات الله مش عارفه هو كده ينفع ؟؟

موضوع الزهد في الحياه فعلافي ناس مضيقاها اوي علي نفسها وبتقول نقتدي بالرسول صلي الله عليه وسلم والصحابه

يعني هو لازم نلبس ونعيش عيشه متواضعه جدا ونكون ميسورين الحال ؟؟؟؟؟؟؟؟؟ ربنا قال ( واما بنعمة ربك فحدث )

والسول عليه الصلاة والسلام احيانا كانوا يروه يلبس عباءه حمراء احسن ما يكون .. ودلوقتي في الزمن ده المغريات كتييييييييير

يعني ما ينفعش احرم نفسي وولادي وفي نفس الوقت لا ابخل بالتصدق في اي وقت وياريت كل ما نيجي نتصدق بحاجه نفتكر الايه

( لن تنالوا البر حتي تنفقوا مما تحبون ) يقال ان السيده فاطمه عندما انزلت هذه الايه تصدقت بثوب كانت تنوي ان تتزوج به .

يعني مش لازم تكون الصدقه لبس مقطع ومتبهدل وقديم ولا لازم اننا نتصدق بمال لما يكون فايض عن حاجتنا والله صدق رسولنا

ما نقص مالا من صدقه ... انا بذكر نفسي معاكم بكل الكلام ده ..

ايمان .. الف سلامه عليكي يا قمر هو الصداع ده سببه ايه؟؟ طمنينا ويالا مستنيين كلامك وحشتنيييييييينا .

رشا ... يارب يا رحمن يا رحيم يا ملك يا قدوس ما تكونيش حامل والله انا حاسه بيكي لأني كل شهر في نفس المعاناه ربنا يستر

كنزي ....... ربنا يفك كربك ويجعلك من كل هم مخرج امين يا رب العالمين

ورده مفتحه ... اخبارك ايه يا جميل وازاي محمد لسه برضه مغلبك في العياط علي فكره انا كنت بكلمك في التجمع فاكره

مرشده.... اهلا بكي معانا علي طول انا لسه ماقريتش الكتاب ان شاء الله هقراه باليل علي رواقه

علي فكره يابنات انا كمان اسمي هبه مين بقي هبه التانيه؟؟؟؟؟؟؟؟؟؟؟؟

سلامي لكل النس الي مختفين ام البنات ودموع التائبه وام سوسو وحبيبة اوسو وفطوم وعطر ومرمر وروشانا وفيميل وتوته البطوطه

وماما زوزو وسها ومادو وانن والرمال الناعمه وبووتا وام مريم مش عارفه هتصلحي الكمبيوتر امتي؟؟؟؟؟؟؟ وحشتينا

سبحانك اللهم وبحمدك اشهد ان لا اله الا انت استغفرك واتوب اليك