صباح الخير يا بنات القعدة

ازيكوا ايه ده؟
بجد لو كنت نفسي الصفحة تكون بشكل معين مكنش هيبقى احسن من كده ما شاء الله ولا حول ولا قوة الا بالله
الويك اند ده بجد كان كله هدة
بس الحمد لله انا فرحانة بيه اوي لاني تعبت فيه بس كانت النتيجة حلوة جدا

طبعا الخميس كان عزا وكده بس الجمعة سافرت مع اهل جوزي لان عمته كانت تعبانة وفرحت اوي اوي بينا لما رحنا ربنا يشفيها ورجعنا على العزا تاني بس في البيت وحسيت انهم اتبسطوا اني رحت تاني مع ان المسجد كان كفاية
السبت بقى
واه من يوم السبت ده المفروض اني اانتخ فيه بس ده اللي بيبقى فيه الشغل كله
شيكو بيه صحاني بدري علشان يرضع(قررت اجل فطامة شوية) قلت كويس اقوم بدري اخلص اللي ورايا
كان في غسيل في الغسالة من بالليل نشرته ودخلت على المطبخ
طول عمري كنت بعمل المواعيين والمعه واسيب الارضية البنت لما تييجي تمسحها بس قلت اعمل زيكوا رحت كنساها وبقت زي الفل
وطلعت رحت مشوار مع اختي ورجعنا دخلت غيرت وبالمكنسة البيت كله
وبعدين حميت شيكو وشادن ونيمتهم ودخلت المطبخ تاني

عملت غدا كذا حاجة ليومين
عملت صينية لحمة بالبطاطس والفلفل وعملت بامية وبسله ورز وشوربة كنور بالكريمة والفطر وسلطة خضرا وبس
وبعدين روقت نفسي بالسيلك ابيل اختراع رائع الحقيقة وغديتهم وقعدنا نذاكر انا وشادن شوية وبعدين نمت
اللي ساعدني ان جوزي كان هيتاخر في الشغل فكنت مركزة اخلص اللي ورايا كله

انجاز بجد الحمد لله على نعمة الصحة يا رب متحرمنا منها

نفسي بقى النهاردة اعمل كب كيك للولاد
جبت الصينية بتاعته من التوحيد والنور ب 23 جنية حلوة اوي
ربنا يكرم واعملها النهاردة

السلام عليكم ورحمة الله وبركاته بسم الله ما شاء الله عليكن جميعا جمعك الله تحت ظله يوم لاظل الا ظله
ايه الروائع الى اتكتبت دى انا نادمانة انى النت عندى بايظ فى البيت ما شاء الله على دعوة قرة عين زوجها وعطر وعروس وايمان ومنى اللهم ياعظيم ياكريم ارفع شانهم فى الدنيا ولاخرة ان شاء الله من اليوم انضم معكم
كل البنات الى هنونى والى لا يارب يسعدكم جميعا ويرزكم ما تتمنون وينعم عليكم بالعافية والله انها لكنز الدينا
انجى ان بدعيلك والله انتى وبنات القعدة انا اشتريت الغساله الى بابها زجاج 1200 لفة فيها برامج جديدة منها برنامج غسيل سريع مدته 30 دقيقة 2 مانع للكرمشة بيسهل المكوة 3 برنامج نقع 4 برنامج شطف زيادة مش هحكم على تجربتى دلوقتى لانى غسلت مرة واحدة نستنى فترة وبعدين امشوا ورايا علشان تدعولى بدل ما تدعو عليا الفرع دة جنب ارامكس ومشهور اوى زميلى جاى كمان شوية هو بيسوق وراح اكثر من مرة هناك هخليه يكتبالعنوان وهنقله بالتفصيل فى هناك غسالات اطباق وميكرويف وافران كهرباء الى لوحدها والبتوجاز لوحدة ومجففات وقلايةو كتشن ماشين
لاسف يوم الخميس نقلت الغسالةو الجمعة غسلت على غسالة اطفال من جارتى من 2 الى 8 مساء خفت الغسالة ماتشتغلش لانى كتير اشتريت حاجات وتحصل معايا
السبت استنيت المهندس ركبها بقالى 3 ايام لم ارى ابى بس بسال عليه بالتليفون
كنزى يارب يفك كربك انتى وايمان ولميا وكل المكروبين ويشفى ابن عروس ورمال وايمان واخى واختى وابى وسائر المسلمين وحشتونى .
ملحوظة انا لما جيت اشترى اخدت راى جوزى قالى مليش دعوة ولما جبت الغسالة وشاف ان الزراير فى الباب يعنى بتفتح مع الباب خوفنى والله ماكشرت بسس قلتة انا سالتك وانت لم ترد عليا اعمل ايه كل ماحاجة يبقى فيها اختيارات يرمى الموضوع عليا كويس خير وبركه العكس يمسك فيه الحل فى العادة دى ايه والله مش افشاء اسرار بس عاوزة النصيحة لان ديه مشكله رئيسيه
سبحانك اللهم وبحمدك لا الله الا انت استغفرك واتوب اليك

السلام عليكم ورحمة الله وبركاته

معلش يا جماعة الخير انا في الكمبيوتر لسه مبتدئه معرفش ايه ألي حصل؟؟؟؟؟؟؟؟؟؟؟؟؟

ايمان ... ربنا يفرج كربك ويريح باللك ويصلحلك الحال يارب انتي وكل المهمومين والمكروبين .. مالك بجد قلقتينا؟؟

ورده مفتحه .. سلامة محمد معلش هو التطعيم بيتعب شويه اعمليله كمادات مكان الحقنه ولو سخن اديله باراسيتامول ربنا يطمنك

عليه ان شاء الله.. علي فكره انا كنت بنقل الحديث ده علشانك وعايزه اقولك حاجه عاملي الناس كأنك بتتعاملي مع ربنا وبسسس

يعني كل ما تقولي كلمه حلوه او تردي الاساءه بالحسني او تعملي عمل خير احتسبي كله لله ولو شفتي حاجه ضايقتك صدقيني

طول ما انتي واثقه انك صح وماعملتيش حاجه تغضب ربنا خلاص ولا يهمك واعرفي كل ما هتشوفي اساءه من حد انك هتاخدي

حسنات واظن ده كفايه اوي .... مش كده ؟؟؟؟؟؟؟؟؟؟؟

الرمال الناعمه الف سلامه علي محمد ابنك اللهم اشفيه شفاء من عندك لا يغادر سقما

ام سوسو ... يعلم الله انا احبك في الله ووالله انا بتعلم منك حاجات كتير ربنا يحفظك يارب انتي واولادك وزجك من كل سوء

والف سلامه علي ساره اللهم اشفيها شفاء من عندك لا يغادر سقما وياريت نشجع بعض علي الحفظ ان شاء الله انا فاتحه النت

طول اليوم علشان اعرف ادخل غرفة الحفظ مع الاخت ام العصافير .



يا بنات زوجه مصريه مختفيه بقالها فتره حد يعرف حاجه عنها يطمنا

سبحانك اللهم وبحمدك اشهد ان لا اله الا انت استغفرك واتوب اليك

ازيكو ا ازيكوا
عاملييييييييييييييييييييييييين ايه ؟؟؟؟؟
وحشتوووووووووووووووووووووووووووووووووووووووونييييييييييييييييييييييييييي
وحشتوووووووووووووووووووووووووووووووووووووووووووووووووووووووووووني
ايه النور اللي طالع م الملف ده يا ناس
كل الحلوين الشاطرين رجعوا تاني
يا مرحبا يا مرحبا نوركوا غطا ع الكهربا
والله مش قادرة اقوللكوا ع الفرحه اللي في قلبي بعوده الجميع
بجد زي ما انجي و عروس قالوا ده البيت الكبير اللي بيلمناكلنا
معلش يا جماعة انا عارفه اني داخله بعد الهنا بستين سنه هههههههه
استحملوا اختكوا المهيسة ههههههههههههههههه
اولا النت فاصل ف البيت و الغيط و الدنيا مدربكة و شغل للركب
المهم
ان شاء الله ما حدش يغيب تاني
و ترجع مادو ان شاء الله يا بنات هي اللي كانت ماسكة الغياب
و عايزين عصايه
اللي ح تغيب ح نمدها علني يا بناتيت


بصوا بقى عجبني اوي التحدي بتاع قرة عين زوجها بس يا جماعة مش احنا في التحدي ده كل يوم
بجد و الله من غير ما نحس احنا في التحدي ده كل يوم كلنا بنحاول نعمل كده
و من غير الابتسام و النيه اننا بنعمل ده ارضاءا لله تعالى ح نتجنن و نشد شعورنا و بوزنا يطلع
طلعان رهييييييييييييييييييييييييييييييييييييييييييييييييييييييييييييييييب
بس حلو اننا نجدد النية


عموما باحبكوا في الله

و بتوحشوني جدا و سلام خاص لميرووووووووووووووووووووووووووو

ايه ده يا ربي دا حلم ولا علم
اغيب يومين ارجع الاقي كل الجمال و الحلاوه دي
و اخيرااااااااااااااااااااااااااا شيماء
لا و داخله بكلام مترتب و موزون
فعلا يا مشمش التحدي دا يومي او بمعنى ادقدا من يوم ما قررنا نكون مسلمين اسلام صحيح
و حتى بسمى الجهاد ايوا طبعا جهاد هو انا مش بجاهد نفسي ؟؟؟
يعني لما بكون تعبانه و عيانه و اقوم من النوم في عز التلج عشان اصلي الفجر (مش دا تحدي )
و لما اكون مكتئبه و نفسيتي في الارض و مع ذلك اقوم اوضب بيتي و اضحك في وش جوزي و ادلع ابني(مش دا تحدي)

بس هي القصه فعلا في تجديد النيه و احتساب الاجر و بمعنى ادق (عمق الصله برب العالمين)وهو دا الهدف

الكلام بقى لعروس
بصي يا جميل كنت شفتك كاتبه اننا لو مجددناش النيه يبقى اعمالنا هتروح في الهوا !!!!!!!!!!!!!
اطلاقا ان الله لا يضيع اجر من احسن عملا
يعني انا لما بصحى الصبح بجدد النيه على يومي كله يارب انني ابتغي وجهك الكريم و رضاك

بجد يا عروس مفيش حاجه بتضيع عند ربنا سبحانه و تعالى
و على فكره ليكي عندي صينيه كيك كامله مش حته بس دا انت اللي شجعتيني اعملها حتى

ميروووووووووووووز السريع
وحشتيني جداااااا و بجد بستنى الخد ييجي عشان اشوفك
بجد ماشاء الله عليكي انجزتي حلو اوي و يارب دايما

ام البنات
الحقيقه انا مفهمتش اوي حكايه الزراير اللي في الباب ؟؟؟
المهم جربتيها ولا لسه؟؟
بالنسبه لزوجك خلاص دا طبعه و مش هتيجي تغيريه في يوم و ليله
الفكره بقى انك تصلي استخاره اي قبل اختيار او قرار و تشوري اصحابك و تشوفي النت لحد ما تكوني راي صح و تتوكلي على الله


باقي البنات صباح الخير عليكم هلف لفه على البيت و ارجع تاني