فيتامينات زيادة.. وادوات مبيضة !! وتبين تصيرين حلوة.. ايه هين

السلام عليكم

انتبهــــوووووووووا

يا أخوات الله يرضى عليك
انا دارسه وعارفه اضرار المواد والأغذية وكذا,,,

وكذا مرة اشوف اشياء وانقهرررررررر

أول شيء سالفة فيتامين سي
على البشرة مباشرة وبتركيز عالي,, او انه تؤخذ بكميات كبيرة

خواتي الفيتامينات لها كميه معينه يحتاجها الجسم
والشيء اذا زاد عن حده انقلب ضده
تدرون كم تحتاجون يوميا من الفيتامين ( 75 ميلي جرام ) بسسس لجسمك كللللللللللله
واذا اخذتي اكثر من ( 2 جرام ) دخلتي في دوامه الأعراض الجانبية.. الي هي
- مشاكل في امتصاص الحديد
- اسهال ( الله يكرمكم )
- صعوبه في الهضم
وتدرون انه يقلل من افراز هرمون البروجستيرون !!
والمصيبة الكبرى.. يخلي الجسم جلده خفييييييييف وسهل يتعرض لكدمات ورضوض

القرص اتوقع فيه 200 ميلي جرام !! وهذا بس للحالات الي نحتاج فيها لأكسدة زيادة في الجسم لان لاحضوا ان كل قرص فيه اكثر من حاجتك اليومية


ماء الأكسجين,,,
خواتي صحيح انه مادة طبية بس تراها تستخدم للتفتيح اصلا والتطهير
وكل وحدة بشرتها تختلف من الثانية.. يعني احتمال يصير عندك تصبغ زيادة,,,
مافي احسن من الليمون والجيلوسيد
والا راجعي الدكتورة,, تصرف لك حاجه حسب حاجتك


المضاد الحيوي الـ Dalacin C
بداية ترى المضادات الحيويه مسببه ازمه بعالم الصيادله.. لان البكتيريا اذا تعودت على نوع مضاد انتجت جيل جديد مايأثر فيه ,, يعني استعمال المضادات (بكثرة) في حالات المرض ,, خطـــأ كبيييييييير
وشلون وحنا نحطه بخلطات للوجه,,,
وهذا المضاد بالذات ماصار يستخدم كثير في العلاج ,, تدرون ليه
لانه يسبب ( التهابات في القولون )
غير انه يستخدم اصلا في حالات التهابات القلب,, والعظام,, وفيه تحذير كبير على انه يوقف فجأة,,
صحيح انه بيمنع تكون البكتيريا.. بس وش يعني كم حبه بالوجه... !! عااااااادي من طبيعتك كـ انثى...


الشيء الأخيرة
نصيحة لوجه الله

الزين يجي من الصحة
وصحتك ماتعني بس مافيك حرارة والا انفلونزا
كثري نشاطك
خذي حبة فيتامينات واستمري عليها لو عندك دوخه
غيري طريقة اكلك
خففي وزنك بدون ريجيمات كيميائية تخليك ترجعين بعد كم شهر,,


بنات,, الله يرضى عليكم
مافي شيء بالدنيا ( مثاااالي ),,,
اكواعك شوي غامقه,, مهيب نهاية الدنيا وررررررررربي الرجال يشوف مرته واخلاقها موب اكواعها وركبها,,

مليانه شوي.. عادي مع الوقت كل شيء يتحسن

انتبهوا لأنفسكم بس موب بـ هووووس لدرجة الظاهر بجي بلقى الآن خلطة كلوروكس للتبيض !!

هذا
وسبحانك اللهم وبحمدك.. اشهد ان لا إله الا انت.. استغفرك واتوب اليك

اللهم هل بلغت,, اللهم فـ اشهد