فيتامين د بيجيبلي الهبال الحليب طلعلي حبوب بوجهي والشمس حرقتني والفيدروب مستفدت منه

وش اسوي يابنات لي 3 سنين وانا معاناة مع فيتامين د
سنة كاملة اشرب فيدروب اقحن فيه وارتفع الفيتامين وصل للثلاثينات على ماأذكر
وقفته بعد سنة كامله استخدام
الشمس حرقت جسمي والى الأن اعاني منها لون سيقاني ويديني بني غاااامق غير لون جسمي بسبة الشمس مع العلم اني كنت اطلع الصباح الين سبع وشوي اجل لو كانت اطلع الظهر او عشر وش بيصير
احترنا ناس تقول الشمس تسبب امراض جلدية وناس تقول تنقعوا بالشمس
وقفت طلعت الشمس عقب ماسمرت
ووقفت فيدروب لاني مابي اتعود عليه كفايه عليهم سنة وزياده
وبديت من سنتين بشرب الحليب قليل الدسم المدعم بالفيتامين
ولاحظت ان الحبوب اللي كانت بوجهي زادت
بشرتي ماعاد صارت تتحمل أي شيء أي شيء حتى موية الورد والمرة وماسك الزبادي علطول حبوب منففففرة
ماأدري العلة من وين بالضبط لاني قريت كذا موضوع يقولون فيه علاقة بين شرب الحليب وزياده تهيج حبوب الشباب

طيب وش البديل
الفطر المشروم قريت انه بديل ممتاز للشمس والفيدروب والحليب لكن وين بلقى الفطر اللي معرض للشمس اثناء زراعته هذا يبيله طلبيه خاااصه من المريخ
للأسف مافي خيارات ومصادر كثيره لهالفيتامين
نقصه ساقط شعري كثييييييييييييييييييييييييييييييييييييييييييييييير
نقصه سببلي تعب ووهن وخموللللللللللللل ولا رقيت الدرج كاني عجوز كبيرة اتعب والهث
بحثت كثيييييير بالنت عن مصادر اخرى لقيت عن الافوكادو البقدونس الخس الجزر بس مافي تأكيد ولا في ارقام بالغرام والمل والوحدة الدولية عشان اعرف كم جالسة أتناول كمية من الفيتامين
لان الحليب الي كنت اشربه مكتوب عليه كم كمية الفيتامين المدعم بها بس لازم اتركه مادامه هو سبة زيادة نفر وجهي
قريب حليب الصويا قلت بس فرجت بشتري بذور فول الصويا واسوي الحليب بنفسي واشربه يوميا
اللي صار انه مافيه فيتامين د طبيعي لكن حليب الصويا اللي يجي جاهز يدعمونه بفيتامين د وعصير البرتقال نفس الكلام
مادري وش الحل
يارب افرجها
اتمنى التفاعل