فيتامين E

أنا بقولج الطرقة ...شوفي أول شي تغسلين وجهك وتنظفينه عدل بالصابونه اللي انتي تحبينها وبعدين تكسرين الكبسولة وتوزعين السائل اللي فيها على بشرة الوجه ووتتركينه لحد ما ينشف السائل...ومو شرط انج تغسلين الوجه بعدها...ويفضل انج ما تغسلينه بعد الكبسولة

والشي الثاني انه استخدام الكبسولة مو شرط انه يكون قبل المكياج....يعني تقدرين تستخدمسن الكبسولات يوميا بدون ما تحطين مكياج...ولو استخدمتي كل يوم كبسوله للبشرة...بعد مرور 3 أسابيع أو شهر وبعد ما تخلصين علية الكبسولات كاملة والله راح تحسين فرق من ناحية تحسن البشرة وتماسكها ورونقها


أتمنى إني أفدتك بشئ

وحاضرين لكل الأسئلة......وشكرا :26:

ممكن تقولولي ما هي ماركتها (صنع اين)

بحط لج كذ خلطه فيها فيتامين E وانتي اختاري الي يناسبج اذا حبيتي:

1- قناع الزنجبيل:
2 سم زنجبيل طازج
2 ملعقة صغيره زيت السمسم
2 ملعقة صغيره فيتامين E
2/1 كوب من زبدة الكاكو

سخني الفرن الى درجه حراره منخفضه... في وعاء ابشري الزنجبيل واعصريها لتحصلي على القليل من عصير الزنجبيل اخلطي جميع المقادير ثم سخنيه حتى تذوب زبدة الكاكو وحتى تختلط جميع المقادير وخصوصا الزيوت ضعيه في وعاء محكم وخزنيه فيه مكان جاف وبراد بعد الاستعمال.
ضعيه على وجهك لمده ربع ساعه

2- قناع زيت الورد والعسل:
2 ملعقة كبيره عسل
2 ملعقة كبيره زيت اللوز الحلو
5 قطرات من زيت الودر
قطره واحده من فيتامين E
اخلطي جميع المقادير وضعيها على وجهك ورقبتك مع اطرف الاصباع . استرخي لمدة 15 دقيقه ثم اغسليها بالماء الدافىء ...

اتمنى يعجبج واحد فيهم و اتجربيه

أختي بنت اليمن ...الكبسولات اللي أنا ذكرتها من محل بودي شوب(The Body Shop)
وصناعته إيطالية
وهي عبارة عن كبسولات تكسرينها وتدلكين السائل اللي فيها على الوجه,,,ومع الاستخدام يعطي نضارة ونعومة

انا استخدم كبسولات فيتامين E من الصيدلية اللي هي للشرب لكن انا اكسر الكبسولة واحطها على بشرتي قبل ما انام بصراحة روووووووعه واول ما اقوم من النوم الاحظ الفرق احس بشرتي صحية ما ادري اذا كانت نفس الكبسولات اللي عندكم او لا بس قريبا ان شاء الله راح احط صورة العلبة وشكل الكبسولة . :27: