حبيت أغير اليوم عن الطبق الفيتوتشيني التقليدي بالدجاج وسويته بالروبيان ورائع بصراحه كطبق سي فود
أولا نسلق المكرونه الشرايط ونحتفظ بموية السلق يمكن نحتاجها عشان نوازن الصوص
بعدها نكشن البصل لغاية مايذبل
ونضع عليه الروبيان
والفلفل والفطر
والبهارات رشة زعتر وريحان وبابريكا وفلفل وملح
ونتركها تتخدر قليل ثلاث دقايق مو أكثر لإن الروبيان مايتحمل النار ينشف ومايصير طعمه جوسي
وهنا حطيت الكريمه
وتركتها تغلي غلوتين بس مو أكثر عشان تتجانس الكريمه مع المكونات وخلطتها مع المكرونه وقدمتها
على طول .....
