فيدوني بمشكلتي

السلام عليكم
مشكلتي مالي حظ لامع اهل ولا اهل زوج مدري ليه مع أني طيبه وحبوبه وأجتماعيه والكل صديقاتي بالمعهد يمدحون باخلاقي وطيبتي ويحبوني
وضعي بالنسبه لأهلي فيه وحده من خواتي تغار مني وهي شخصيتها متسلطه ومسيطره وكل خواتي تحرضهم علي وهم بدورهم ماقصرو معي يتجاهلوني ويجتمعون ولا يقولون لي وكثير مواقف وإن تكلمت ثارن بوجهي وعصبن وان سكتت تمادن وجربت أقطعهم لعل يحسون لكن مايفيد ولا احد منهن سأل عني وقال وينك
وأهل زوجي أشوف منهم أشد وأمر مع أني ساكنه عندهم والله يشهد علي أني طيبه وأعاملهم بالحسنى لكن ماأشوف منهم ألا الصدود وحريم عيالهم الثانيات مع أنهن قويات ويعملن بلاوي فيهم لكن أذا جن عندهم يطيرون فيهن ويحبونهن
أنا مشكلتي أجتماعيه وأحب الناس تحبني وأحس فقدت ثقتي بنفسي بسبه أهلي واهل زوجي وحركاتهم وبس افكر فيهم وأثر هذا على تعاملي مع أولادي وزوجي دايم زعلانه ومعصبه عليهم لان نفسيتي تعبانه أحب أكون محبوبه عندهم لكن كل شي سويته ولا فاد ياربي افرج علي وأرحمني
مع ان البنات بالمعهد دايم يمدحون بأخلاقي وشكلي حتى وحده من زميلاتي قالت مره ياحظك أحسدك كل البنات يحبونك 😉ياويل حالي ماتعرف وضعي مع أهلي وأهل زوجي الشكوى لله
وانا حاليا تركت المعهد بسبه ظروف
نفسي يكون لي مجتمع ناس ونيسين وفله أتونس معهم تعبت من جلسه البيت طفش وأذا رحت لاهلي وأهل زوجي أرجع متنكده وتعبانه منهم
مع العلم أني أنا محسوده وسمعت ان اللي محسود الناس ماتحبه طيب معقوله ولو كان هذا سبب ليش بنات المعهد يحبوني ولا أثر عليهم مع أني دايم أرقي نفسي واروح مشايخ وكلهم يقولون حسد من قرايبك