فيدوني ياقماري عن السبنق رول

ان شاء الله يفيدونك الاخوات الماهرات لكن اللي اعرفه انه فقط يمكن حشوه باي حشوه تحبينها ممكن جبن مع نعناع او اي حشوه وتقلينه بس صواني ماعندي علم

نفس طلبي ههههههههه زوجي جاب في رمضان عليه عرض ونبي افكار جديده

يالغلا ماله الا القلي
وحشوة تونه حلوه
او تسوين به منتو كذاب
وهني ع قلوبكم

شوفي يااختي انا اسوي فيه هالاشياء وتطلع روعه ولذيذه
اخذي جبن كرافت او المراعي ابشريها ع الناعم واسلقي بيض ع حسب الحشو مثلا خمس بيضات لعلبه كبيره جبنة مراعي
واول مايستوي البيض ابشريع ع الناعم مع الجبنه وتكونين مقطعه فلفل رومي احمر اخضر اورنج اصفر مكعبات صغار
وتقطعين كزبره وبقدونس شوي وتخلطينها مع البيض والحبن وتحطين شويملح وشوي فلفل اسود
واخذي من الحشوه وحطي بالسبرنق رول ولفيها وقفلي النهايه بمسحة بيض
وابد جيبي صحن كبير وحطي عليه سفرة اكل وحطي لفايف السبرنق رول وحده وحدة وبعديها شوي ولما تخلصي حطيها بالفريز تجمد تماام وبعدين انقليها ع الحافظه وخلي بين كل طبقه وطبقه قطعه بلاستك عشان تسهل لك خروجها بعدين وماتجمد ع بعض وتتكسر مع الفك
ومتي مااحتجتي منها طلعيها واقليها بزيت حار
وهني وعافيه ع قلبك

كل طريقه بخليها لك في رد مستقل عشان ماتلخبطين
الطريقه الثانيه مجموعة حلاو من جالكسي وباونتي ومارس وسنكرس الحجم الميني
اخذي كل حبه وحطيها بالسبرنق رول من النص ولفيها ويكون عندك خيط ابيض وتمسكي طرف السبرنق ولفي بالخيط لفه قصيره موتطولينها وبعدين تحوسين في فكها وروحي ع الطرف الثاني ولفيه كمان يطلع لك مثل شكل الحلاوه موبوطه ع الاطراف
وخلصي الكميه بهاالكل وهذي كمان تتفرزن ومتي مااحتجتي منها طلعيها وحمريها بالزيت وعند التقديم الله يعينك اقعدي فكي الخيوط اللي ربطيه ع الجوانب
وزينيها بخطوط الهيرشي والكراميل وحليب النستله
وبالعافيه عليك