فيروس تكرار الملفااات .... تكون ملفات فاضية

انا جاني كذا

وسويت بحث وقريت انه اسمه دودة ،،

وبرضه اسمه : copy.exe

يعني كل ماافتح مجلد الاقي مجلد ثاني جواته وهالمجلد جواه نفس المجلد وهكذا ،،

حتى المستندات لها اخوان هههههههه


ومع البحث لقيت برنانج يحذفها ،، وحملته وماسوى شي ابد ،،

وبالاخير فرمت الجهاز ونفس الشي لقيتهم فيه ،،

وحملت برنامج الحماية انتي فايروس ،، وسويت سكان للجهاز كله بعدين صرت كل مافتحت مجلد تطلع المجلد الزايد فيه شوي ويختفي ،،
وعلى هالحال مشيت على كللل ملفاتي اللي في الجهاز وراحت ،،

انتي سوي سكان ببرنامج الحمايه اللي عندك وشوفي ،

بانتظاااااااااااااار باقي الاخوات

يفدوننا

وينكم يامبرمجات

الله يعينتس .. اغث واكره شي هالدوده المقرفه

حطي ببالتس مالها حل غير الفورمات
سبق وقريت عن طرق لحذفه من غير فورمات لكن ماتصلح لان حذفه يستدعي حذف ملفات كثيره من النظام اللي هي تنتهي بـ exe واذا انحذفت راح تسبب ضرر كبير بالنظام
فبتضطرين تفرمتين لان ماراح يشتغل معتس الجهاز كويس .. يمكن يفتح الجهاز صح لكن راح يكون كمبيوتر مع وقف التنفيذ



تعالي للحل

اول حاجه نزلي الكاسبر بس تاكدي من انه اصدار حديث من الاصدار السابع وفوق وسوي تحديث من النت
ادخلي على الوضع الامن .. افحصي الجهاز اي شي يلقطه البرنامج احذفيه
بعدين انقلي مستنداتتس اللي تبينها (صور , فيديو , صوت)و تاكدي من انتس ماتنقلين معها اي ملف ينتهي بـ exe حتى لو كنتي محتاجته وحتى لو كان برنامج الفايروسات ما اظهر لتس خطر فيه احذفيه لان الدوده تدمج نفسها فيه .. غالبا اذا عندتس شي انت محملته ينتهي بكذا فهو ملف تثبيت برنامج احذفيه مثل ماقلنا
خذي اللي تحتاجينه من مستنداتتس بعد ماتفحصينها زين انقليها لفلاش او هارد او سي دي اللي تبين
بعدين فرمتي الجهاز .. جميع الاقراص فرمتيهاااا لاتتركين قرص من غير فورمات

بعدين نزلي لتس برنامج فايروسات وتاكدي من عمله وافحصي ملفاتتس للمره الثانيه قبل تنزلينها على الكمبيوتر وتستخدمينها


ولو كان الامر عائد لي راح افحص الملفات بكذا برنامج فايروسات قبل استخدمها او انزلها على جهازي .. عن تجربه مع نفس الدوده استخدمت اكثر من برنامج وكل واحد يكشف شي



وبالتوفيق

معلومه مهمه لاتفتحين اي ملف فتح مباشر لانه يساعد على تشغيل الدوده وانتشارها .. لذلك كلك يمين عالملف واختاري فتح