فيري
المذيب العجيب
http://www.almlf.com"]https://d2s63a22uzwg40.cloudfront.net/PE/2010/02/22/09/get22010almlf_com_er31z3es-1.jpg]
فعلا عجيب
بنات من زمان شفت دعايته وانهبلت وشريته واستخدمته بشكل عادي ولا شفت ذيك النتيجة الزود خاصة إني كنت متحمسة لغسل القلاية وانكسحت
وركنته مع أخواته المنظفات الأخرى من "جف" وطقته ، وهذولا حنا إذا جربنا الشيء مرة وحدة بطريقة وحدة ولا جاب نتيجة قعدنا نسبه
المهم
بعد أشهر وأدهر جتن موجة النظافة الدقيقة الشاملة للمطبخ بما فيه
فطلعته وقرأت التعليمات
إيـــــــــــــــــــــــــه
أتركه نصف ساعة على السطح
زين وقمت وبخيت منه على غطاء الفرن الزجاج القوي وكان فيه بقع زيت مستعصية وكذلك الجدار القريب منه ، صحيح هي قليلة لكنها تضيق الصدر وتركته حول نص الساعة ورجعت بليفة حديد خشنة وهات يادعك وإلا هو مايستاهل كل هالجهد على طول طار
الحمد لله
وأبدأ بالقدور من برا صحيح مابه سواد بس أنا أبيه تلمع وبالليفة الناعمة
وكذلك " بالملقمة " الدلة الخاصة بعمل القهوة ، وإلا عاد هذي بفرشة أسنان على طول مابغت وقت
ياربيه ومن بكرا أعمم القلاية بالرش والبخ وأتركه أكثر من نص ساعة
وبالليفة الخشنة وتطلع تقل جديدة
وأطمع زيادة وأجيب الزمزميات اللي بلاستك لؤلؤي وأبخ وأفرك بالسفنجة العادية وشوفي النظافة واللمعان
وكذلك الأجهزة الكهربائية بس هاه تراي أفركه باسفنجة ثم بفوطة مبللة بالماء عدة مرات لين مايصير به أي أثر للصابون على سطح الآلة
ترى كل هذا الاجتهاد بتوصيل المعلومات لأني قريت لبعض البنات يسبونه فقلت لازم أدافع عنه وأقول الحقيقة
لا بعد وأزيد من هذا وذاك مافيه ريحة تخنق ---- إلا عاد يمكن إذا كثرتي منه أكيد يبي يحشرك
لا وبعده راح تتركين استخدام الكلوركس بكثرة - - اقتصادي
أم المحمدين @am_almhmdyn_1
عضوة نشيطة
يلزم عليك تسجيل الدخول أولًا لكتابة تعليق.
أوكوشية
•
يسلموووووووووووووو
الصفحة الأخيرة