السلام عليكم ورحمه الله وبركاته
كيفكم يابنات ؟؟
انا عضوة قديييييييمه وشوفوا تاريخ تسجيلي الله المستعان
بس لا تشوفون مشاركاتي خخخخخخ
المهم
انا عمري الان 21 وماشاء الله تبارك الله مخطوبه :icon28:
وعايشه بالرياض لكن خطيبي مو بالرياض بمدينه تبعد عن الرياض
بساعتين تقريبا وهو يعني مستقر هناك للأبد
يعني انا اذا الله تمم علي واخذته بعيش طول عمري هناك
وانا احب شي اسمه الرياض ديرتي وش اسوي
وكنت اقول مستحيييييييل لوووو ايش
لو يجيني واحد فيه كل المواصفات اللي ابيها بس برى الرياض ماوافقت
والحمدلله شفته وارتحت كثيييييييير ومقتنعه فيه كشخص اكمل حياتي معه
وسألنا عنه الولد ماشاء الله تبارك الله جدا رائع
واستخرت وارتحت
بتقولون وش المشكله ....؟؟
انا باقي كثير على زواجي بس يضيق صدري وتجيني تكه اني بترك الرياض:icon33:
وشلون لو باقي اسبوع ولا كم يوم ؟؟
متضايقه مرة اني بترك اهلي وخوالي وعماني وصديقاتي واسواقها وكل شي فيها واللي يعز علي
وبتغرب هناك لحالي وانا مااعرف احد ابد ومو كل اسبوع او اسبوعين اقدر اجي
كل من درى اني بترك الرياض استغرب كثير
احس اني انرحم :( مااتخيل ابد اني بستقر هناك احمل واولد واجيب
عيال واربيهم هناك واسجلهم بمدارس بعيد عن اهلي احس اني ماراح اتكيف ابد
احيانا اقول بدعي ربي وبصلي الليل لين يجي للرياض وامي بعد تقول كذا
آآآآآآآآآآآآآة
مشاء الله ياحظ اللي بيعرسون ويسكنون عند اهلهم بنفس المكان كان كل يوم عندهم
انا تعودت على نظام معين واحس صعب اغيرة واحيانا اقول لنفسي شوفي فلانه وين واهلها وين
وشوفي فلانه وين واهلها يعني مو انا الوحيدة ويالله مسافه ساعتين ولا مسافه يوم
يعني اهون على نفسي واقول جاك اللي تتمنينه وهذي سنه الحياة واهلي ماراح يبقون لي
وزي كذا
حتى لما جت الشبكه ولبستها مااااااااااااااعجبتني ابد ابد ابد فوق ماتتصورن ذهب اصفر
غير ذوقي مرة حتى اهلي نفس الرأي وامي تقول عيب البسيها وانا اقول ببيعها ....
وش السواة ؟؟
وبعدين قلت يالله هذي شكليات مالها داعي اهم شي الرجال
ومافي احد ابد يشجعني ولا يدفني معنويا لقدام لا اهلي ولا صديقاتي
كلهم يحطمووووووووني
من جد انا مرة خايفه من وضع مستقبلي :(
شجعووووني وادعووووووولي
وانصحوني تكفووووون:26:
يلزم عليك تسجيل الدخول أولًا لكتابة تعليق.

So`Sweet`
•
الله يهديك!

قرادة حظ
•
اولا الزواج مسؤلية وراح تنشغلين هناك ومايكون عندك وقت للزيارت الكثيرة
وبعدين كونها تبعد ساعتين اقوللك احمدي ربك غيرك راحو الشمال او الجنوب
وبعدها ممكن الرجال فاهم ويقدر لك هالشي ويعرف انك شاريته من بد الرجال يوم اخترتيه وضحيتي بالرياض عشانه
ومسألة الشبكة مو حلوة كل الرجال اذواقهم غير عن الحريم بكرى تاخذينه وتعلمينه على ذوقك و ايش تحبين
واهم شي الصلالالالالالالالالالالالالالاة نصيحتي لك اذا هو محافظ عليها لاتترددين وسلامتك
وبعدين كونها تبعد ساعتين اقوللك احمدي ربك غيرك راحو الشمال او الجنوب
وبعدها ممكن الرجال فاهم ويقدر لك هالشي ويعرف انك شاريته من بد الرجال يوم اخترتيه وضحيتي بالرياض عشانه
ومسألة الشبكة مو حلوة كل الرجال اذواقهم غير عن الحريم بكرى تاخذينه وتعلمينه على ذوقك و ايش تحبين
واهم شي الصلالالالالالالالالالالالالالاة نصيحتي لك اذا هو محافظ عليها لاتترددين وسلامتك

اقول توكلي على الله وخذيه انا لو منك ماتردد اذا كان فيه كل المواصفات
انا كبرك اتمنى احد يطق باب اهلي بس مافيه احد يبيني
مررة ضايق صدري علشان مانخطبت تخيلي العرس دايما بين عيوني
لو ان خطيبك هذا بيسافر لندن يدرس ولاشي رحتي معه وقلتي واو
الحين توفرت المواصلات 0000000000صارو الناس كل 15 يوم يجون للرياض يشوفون وش ناقصهم
تبين نصيحتي توكلي على الله ولا ننرددين
انا كبرك اتمنى احد يطق باب اهلي بس مافيه احد يبيني
مررة ضايق صدري علشان مانخطبت تخيلي العرس دايما بين عيوني
لو ان خطيبك هذا بيسافر لندن يدرس ولاشي رحتي معه وقلتي واو
الحين توفرت المواصلات 0000000000صارو الناس كل 15 يوم يجون للرياض يشوفون وش ناقصهم
تبين نصيحتي توكلي على الله ولا ننرددين

الله يوفقك ويتمم لك على خير والمره تتبع رزقها قولي الحمد لله وان شاء الله اهلك ماراح تنقطعين عنهم وماتدرين وش يصير بالدنيا يمكن تنقلين للرياض وتصيرين حول اهلك
يعني لاتستبقين الاحداث وعيشي حياتك طبيعي وخلي عنك الوساوس الخناس ترى شطور بهالامور يجيب الغلقه والتكه من دون شيء
مبروك مقدما وعقبال البكاري
يعني لاتستبقين الاحداث وعيشي حياتك طبيعي وخلي عنك الوساوس الخناس ترى شطور بهالامور يجيب الغلقه والتكه من دون شيء
مبروك مقدما وعقبال البكاري
زائرة
•
الله يسعدتس ويطمنتس
الصفحة الأخيرة