فيكم وحده تستخدم الضاغط / الكاتم ؟!! ....

ما اعرف له مادري احس اخاف منه
انشاء الله البنات يفيدونك

عندي من ماركة سب..
وما اسلق فيه الا اللحم..احطه واحط فوقه البهارات..والبصل والطماط والثوم والبهارات العدله..وامليه ما ء للنصف والماء لازم يكون حلو..واغطيه كويس كويس..واخليه على النار نصف ساعه..
ويستوي اللحم..وهذي طريقة الكبسه..أما الرز..بعدين احطه بقدر ثاني وعليه مروق اللحم..
يعني مأحط الرز بنفس القدر..

هو حلو اسرع ويحافظ على الفيتامينا بس بتتعبين معه في البدايه لين تتظبط امورك
مثلا انت بتسوين كبسة رز تبدين عادي حمسة بصل ولحم وتحطين عليها ماء فاتر سكري القدر واكتميه وخليه لين تبدين تسمعين الهسهسه هس هسه هس
قصري عليه وابدي احسب وقت مثلا انا اخلي الحمه نصف ساعه الى عشرين دقيقه على حسب لحمتك
بعدين اخليه يخفف الضغط حسب القدر ونوعه وافتحه واحط الرز اذا رجعتي كتمتيه مارح ياخذ عشر دقائق والا خليه عادي بدون كتم
ورق العنب يستوي فيه خلال عشرين دقيقه
واهم شئ اشتري نوع جيد واتبعي تعليمات الكتيب

بنت الاجواد انا اسوي فيه اللحم والدجاج وبالعكس الطعم فيه احلى من القدر العادي يكون له نكهه ممميزه والطريقه تحمسين البصل وتحطين معه البهارات ثم الطماطم وبعدين الدجاج او اللحم والماء وتتركينه الدجاج ربع ساعه على نار متوسطه واللحم انا ياخذ معي فيه ساعه على نار متوسطه وبعدين تصفين المرق وتحطين الرز وتتركينه على نار هاديه لمده خمس دقايق ثم تطفي النار وتتركينه عشر دقايق بعدها وتفتحينه هذا عشان ما يتعبك في الغسيل بس لو تبن النار اكثر اتركيه على نار هاديه لمدة عشر دقايق ومع التعود يصير عادي وتراه مريح .

بالعكس سهلة جدا خاصة نوعيه جيده في سب
إسمها
(السر في الزر)
مايبغاله شي أبد ومثل ماشرحتلك الأخت دفى شمس طريقة إستخدامه..

بعدين ليش تخافي منه..

القدور الجديدة ذات النوعية الممتازة والأصلية ماتخوف أبدا بالعكس حاطين فيها كذى منفذ لتسريب البخار حتى مايكون الضغط على جهه وحده في حال إنسدت أو شي لاسمح الله وهذا نادرا مايصير..
وبعدين لماينقفل الغطى يطبق على القدر بأذرع حديد عشان مستحيل ينفك..

أسأليني أنا ماكان في أحد موسوس من قدر الضغط قدي لدرجه كنت لما أسمعه يصفر من الخوف أصك باب المطبخ وأطلع برى..شفتي الخوف كيف..
بس إذا تعودتي عليه بيوفرلك الوقت ويطعم أكلك ويحافظ على شكلها وجودتها وفوق كذه يضبطلك الأكل تمام..