فيك تكيس مبايض مزمن .. تعبتي..تأخرتي بالحمل .. علاجك عندي!!

السلام عليكم ورحمة الله وبركاته ..
هلا بأخواتي ..
كلنا نعرف الازمة النفسية والجسدية اللي تصير بسبب هالمرض الحقير ( تكيس المبايض )
كثرة الشعر بالجسم بالوجه بالدقن ,, عدم انتظام بالدورة الشهرية,, او انقطاع الدورة الشهرية ,,الـــــســــــمـــــنــــــة المفرطة واشياااااء كثيرة تضيق الصدر ,,,,,, الخ
اخواتي لازمني هالمرض سنتين استخدمت حبوب منع الحمل ,, منظم دورة ,, جلوكوفاج ,, ولكن مازلت أعاني وأعـــاني وأعــــــاني
وكم مرة احاول اعالج هالمرض عند الدكاترة يقولون لي انـــــــــــــــحــــــــــــفـــــــــــي وحطوا تحتها مليون الف خط ,,, مع اني مو سمينة مرة لكن مليانة ومع التكس زاد وزني
حاولت امشي على نظام غذائي لكن اطبقه يومين ,, ثلاثة واطفششش وطبعا نفسي تراودني وتقولي بلا رجيم بلا هم فيه حريم سمينات كبر البيبان ماعندهم تكيس
وخاصة أني أحب شي اسمة أكل واموووووت عليه ماقدرت اسوي رجيم ولي سنتين احاول واحاول امسك الرجيم ولا قدرت
... ومرت الأيام ,, الشهور ,, السنين وانا كل مالي اسمن اكثر واكثر ويطلع الشعر في دقني اكثرررر من اول
وقفت عند المراية وناظرت نفسي قلت معقولة يافلانة هذي انتي ,,, وين الرشاقة وين الزين وين النفسية الحلوة وين صفاء البشرررة كل هذا بسبب التكيس ,,,
صحيت من غفلتي يابنات بفضل الله وحوله وقوته وبكيت وقلت والله راح اتخذ عهد بأني اسوي رجيم قاسي ( طالما علاج التكيس زي ماقالو الدكاترة " النحف" )
وبعدها جلست شهر كامل عايشة عالشوربات والخضار والسلطات والعصيرات والسوائل + جلوكوفاج 850 مره وحده باليوم بعد كل وجبة + رياضة لمدة نص ساعة يووووميا
ونحفت 10 كيلوووو وجتني الدورة ايــــــــــه جتني الــــــــــــــــــدورة من غير حبوب تنزلها من غير شيئ بعد سنتين من المرض ولله الحمد والمنة ,,
تحمست قلت بستمر عالرجيم للشهر الثاني وكنت اكل ساندويتشات خفيفة في الشهر الثاني من صب وي او اسوي لي بالبيت فطور خفييف ,,,
وجــــــــــــــتـــــــــــنـــــــــي الدورة الشهر الثاااااااااااااني بنفس الوقت بدون حبوب تنزلهاااااا بدون شيئ ,, ماشاءالله ولا قوة الا بالله ,,, والشعر اللي مضايقني بدقني اختفى ى ى
أخواتي علاجك تنزيل الوزن قد ماتقدرين حتى لو كنتي مو دبا لان مع الايام راح يزيد وزنك صدقيني بسبب التكيس
عزيزاتي تكاتفوا وحطوا يدينكم على يدين بعض والحقوا أعماركم وانحفواااا وسووا رياضة يومييييا + جلوكوفاج 850 وراح تنتظم الدورة وتحملين وتتغير حياتك ونفسيتك
راح يطير فيك زوجك بسبب التغير الحاصل وراح تفتخرين بنفســــــك ,,, شدوا حيلكم وسووا رجيم ورياضة مع اكل حبة وحدة يوميا من الجلوكوفاج ,, وأوعدكم باذن الله وحوله وقوته راح ينتهي هالمرض وتجيك الدورة منتظمة ,,,
وكل ماكتئبتوا من الرجيم وتعبتوا من الرياضة ,, تذكروا عدم انتظام الدورة والسمنة المقرفة والتأخر بالحمل وراح تكرهون الأكل
صارعوا انفسكم ولا تطاوعونها وانحفـــوااااااا يارشيقات المستقبل


اختكم اللي حاسة فيكم وتبي لكم الخير وعدم فقدان الأمل
Italy just Italy