كيفك صبايا ..
كل عام وانتم بخــــــير وصحة وسلامة ..
وكل عام وانتم اقرب الى الله بالطـــاعات ..
واسأل الله العظيم .. رب العرش العظيم ..ان يشفي كل مسحورة .. محسودة ومعيونة ..
وان يرزق اللي ماتزوجت .. الزوج الصالح .. واللي ماعندها عيال ... الذرية الصالحة ..
امين يــارب العالميــن ..
اخواتي .. الكل يعرف ان غدا .. اول ايام شهر ذي الحجة المبارك ..
اسأل الله ان يبلغنا صيام العشر .. ويرزقنا فيها الاجر .. والشفاء ..
وان يرزقنا حج بيته الكريم .. قبل وفاتنا ..
المهم .. حبيباتي ..
انا حبيت اننا نسفيد من هذي الايام المباركة .. ونعمل برنامج للرقية .. ونطبقه
بس ياليت اللي تكون معايا .. تكون عندها العزيمة انها تطبقه بالضبط
واذا زادت على الاعمال اللي فيه .. خير وبركة
اهم شي ماينقص منه ..
وعلى فكرة .. الجدول وضعته بنفسي بعد ماطبقت بعض الاعمال اللي فيه
وحسيت بتأثيرها حالتي .. والحمدلله .. التحسن وااااااضح ..
فإن اصبت فمن الله .. وان قصرت .. فمن نفسي والشيطان
فكرة الجدول ..
هي اعمال بسيطة .. نطبقها يوميا ونبدأ الساعه 12 بالليل .. وراح تنتهي في اليوم الثاني الساعه 11.59
يعني معاك 24 سااااعة كااااااااااملة لتطبيق كل الاعمال في الجدول .. وصدوقوني الجدول سهل جدا
وراح تنتهي منه قبل الـ 24 ساعه .. اهم شي النية الصادقة .. والعزيمة .. والتوكل على الله
والثقة في رب العالمين .. والتفاؤل ..
وراح نبدأ تطبيقها من اليوم
يعني الليلة .. تبدأي تتوضي وتقومي الليل .. وتحاولي تقري البقرة في ركعة واحدة
وهذا الافضل ... لاتقولي صعبة .. مافي شي صعب مع العزيمة
ودايما اذا حسيتي بكسل او تعب .. او اي احباط .. اكثري من ترديد
(( لا حول ولا قوة الا بالله ))
وبعد ماتنتهي ادعي ربنا وتحري ساعات الاجابه ..
الثلث الاخير من الليل .. بين الاذان والاقامة .. وقت الافطار للصائم ... الخ
وطبعا اول ماتبدأي بالدعاء قولي (( الله اكبر كبيرا .. والحمدلله كثيرا .. وسبحان الله تعالى بكرة واصيلا ))
هذا الدعاء يفتح باب السماء (( سبحان الله ))
وبعدها احمدي الله واثني عليه .. وصلي على النبي .. واسألي الله ماشئتي من خير الدنيا والاخرة
ثم صلي على النبي مرة اخرى واثني على الله .. والله يتقبل دعائك
ملاحظة .. الصلاة على الرسول لاترد .. فاذا بدأتي بها وانتهيتي بها في الدعاء فمابينهما لا يرد بإذن الله
بعد كذا قسمي اعمال الجدول حسب وقتك
اقري سورة كل مافضيتي .. استغفري .. رددي البقايات الصالحات .. وهي احب الكلام الى الله
وقيل اعطي الله مايحب .. يعطيك ماتحبين .. واحب الكلام الى الله كما قلت .. الباقيات الصالحات
وهي ( الحمدلله وسبحان الله والله اكبر ولا اله الا الله ولا حول ولا قوة الا بالله )
وكل مانتهيتي من عمل ضعي علامة امامه في الجدول
تصدقي كل يوم بريال واحد .. فالصدقة لها مفعول كبير .. وهي تطفئ غضب الرب
واذا ماعندك فلوس .. تصدقي بأي شي .. ابواب الصدقة كثير .. ابسطها .. الابتسامه
واحتسبيها لرضا الله
استخدمي الزيت المقرئ والمسك الاسود يوميا قبل النوم ..
احرصي على اذكار الصباح والمساء .. لاتنسوا التحصينات .. والمعوذات
رطبي لسانك بذكر الله .. اكثري من الاستغفااااااااااااار فهو مفتاح الابواب المغلقة ..
على فكرة السور المحددة .. انا كتبتها بإجتهادي .. بعضها لعلاج السحر .. وبعضها للحسد والعين .. ولعلاج المس
والمس العاشق .. واللي تحب تضيف لها وردها اليومي .. فخير وبركة ..
احرصي على السنن .. وطبعا الصلاة في وقتها .. وحاولي تنظمي نومك .. عشان ماتفوتك اوقااات الصلاة
خلي معاك سبحة على طوووووووووول في يدك .. ورددي كل الاذكار اللي تعرفيها
رقية الفاااااااااااااااااتحة .. سبحان الله يابنات .. مفعولها سريع جدا ..
شوفوا نتايج البنات اللي استخدموها في المنتدى ..
ومثل ماقلت لكم اللي عندها زيادات فخير وبركة ..اهم شي ماتنقص الجدول
واهم من هذا كله الثقة في رب العالمين .. الجدول مدته 9 ايام .. هي الايام اللي راح نصومها بإذن الله
لكن راح نستمر في باقي الجدول حتى تنتهي الاعراض اللي عندك
ولا تستعجلي النتايج .. فالبلاء والشفاء بيد رب العالمين ....
على فكرة يابنات . .. انا رحلتي مع العين والسحر والحسد والمس عاشق .. بدأت من 14 سنة
( حسبي الله ونعم الوكيل ) .. تزوجت وشفت الويل وانا عروسة ..
لكن الحمدلله..ا.. طبقت جزء من الجدول في رمضان .. والله العظيم
خلال 21 يوم بس .. ربي اكرمني.. وانتهى جزء كبيــر من معاناتي .. بس
لاني حسيت بالفرج تهاونت وماكملت .. لكن بإذن الله معاكم راح اتشجع واكمل
وراح اكتب لكم قصتي .. اذا انتهت معاناتي تماااااااااما
وان شالله ربنا يكتب لي وكل مريضة الشفاء .. ويرفع عنا البلاء يارب العالمين ..
واعذروني على الاطالة ..
يشهد الله اني اعتبركم اخوات لي في الله
حبيت لكم الخير كما احبه لنفسي ..
لتحميل الجدول .. من هنــــــا
https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/03931ca4c77a6f980d21609d4846dd31.doc
في حفظ الرحمن ورعايــته ..
والله من تجربتي الشخصيه
ان وضع الجداول والتقيد بها انه له اثر كبير وفعال