فيلم سينيمائي...احداث مثيييييييييييييره

فين الفيلم ؟

فيلم سينيمائي...احداث مثيييييييييييييره

--------------------------------------------------------------------------------
السلام عليكم ورحمة الله..............






هذه اول مره اكتب في القسم بس من المعسكرات عليه ووالله انه روووعه لاعدمناكم ان شاء الله
,,,,,,,,,,,,,,,,,,,,,,,,,,,,,
بدخل في السالفه على طووووووول
هذا الله يسلمكم الفيلم دارت احداثه في بيتي
ابطال الفيلم انافي المركز الاول...وزوجي
العيال ضيوف شرف الفيلم>>>>مساكين
تبدأ احداث الفيلم المثيره يوم الاربعاء الماضي بعد ان سبقته بعض المواقف
انا وحده غيييييوربس ماكنت اول كذا ما ادري ليه
وزوجي في السابق كان ما عنده ضغط عمل يعني يجي بدري ونتغدى وكل ليله طلعه
او احد يجينا
لا حظوا كل ليله واليوم اللي مانطلع فيه يمكن نموت
فجأه ويترقى الرجال
ويوم ورا يوم ومشاغله تزيد
حتى صارت طلعة الخميس والجمعه حسره علينا
لدرجه ان مقاضي البيت بالموت ناخذهامن قل الوقت اللي عنده
صبرت وقلت ما باليد حيله الرجال يتعب من له الا لي ولعيالي
قعدت البيت موتتني ورفعت ضغطي خاصه بعد ماكبروا العيال وكثرت هوشاتهم
........................
وقبل كم شهر زاد عليه الشغل لدرجه انه مايجي الا متأخر ويطلع الصباح بدري حتى النوم ما ينام زي الناس ان كثر اربع ساعات
انا حملت وياشين نفسيتي مع الحمل ..اعصب واتضايق ودمعتي كله نازله
ومع التعب بديت اشك
ها مو معقوله كل هالوقت شغل
اكيد الرجال شايف له شوفه ماهو البنات كثروا لدرجه مايبون من الرجال الا هو وبس هذا اذا ما اغروه بشي
وكل يوم يزيد الشك مع ان العقل مو مصدق لان اذا تأخر ادق عليه في المكتب ويرد
ويجي ذاك اليوم ويستعير جوالي فتره لان جهازه عطلان ويوم رجعه لي مسح كل مكالماته ورسايله
وتبقى رساله وحده ناسيها
افتحها
وياذاك الكلام والغزل اللي فيها
واحفظها مع الرقم وانا انتظر فرصه اطلع عشان اكلم بره على الرقم واشوف هو رقم وحده ولا لا
ويزيد الشك يوم عن يوم وهو شفيك في شي متضايقه منه..صارحيني وانا ..مافيني شي>>لان ماني متأكده
جا يوم الاربعاء
وكان عندي موعد في المستشفى جلسته ويوم دخل الحمام يغسل وافتح جواله..>>هذا الجوال ثاني ما عطاني رقمه ودايم في جيبه وهالشي اكد ظننوني
وافتح على الرسايل واذا الرسايل اللي تفجر من القهر
وكذا رقم
وفيها اسلوب نسائي مؤكد>>> يعني انا جالسه انتظرك ماكلمتني...وعتاب انه مارد على رسايلها ومكالماتها فبل فتره لمدة 3 ايام وكان مسافر للعمل
انا بموووووووووت ..بنفجر ...بس تمالكت نفسي وقلت خلني اعرفهم اول وبعدين اواجهه

وداني واسمعه يكلم خويه في العمل انه بيتأخر شوي
واسأل نفسي وين بيروح وانا بنزل لحالي...>>ها أكيد مواعدها
المهم رحت ورجعني بعد ما خلصت واناما باقي فيني روح
نزلت وسويت الغدا وقلت انتظر ما ابقى استعجل
وتأخر ويدق علي ويقول غدي العيال انا مشغول ولا راح اجي الا بعد العشاء
سكرت السماعه وادق على اخوي
الحيين تجيني
ويجي المسكين وحط غدا عيالي واطلع وهم مايدرون
رحت معاه اقرب كابينه وادق على الارقام
وانصدم...
حريييييم
حبست دموعي عشان ما يحس اخوي وهوه ما يدري من كلمت وليه ونبهته ما يبين لاحد
رجعت وادخل غرفتي واغفل الباب واصلي العشاء واقعد اصيحححح واصرخ واندب حظي
نتفت نفسي من الصياح
الا هو جاي وفتح الباب ولا انفتح ويجلس يدق ويدق لين تعب وانا ولا كلمه
ويطلع بره ويدق على الشباك ويحاول يفتحه وانا ولال شي
وجلس يناديني هو والعيال ويوم خفت يكسر الباب فتحت ودخلته وسكرت الباب
وهو ميت علي من الخوف شفيك ما تردين
قلت بس
قال شصاير
قلت له اسأل نفسك من وين جاي
قال يعني من وين من العمل
قلت له قديمه مش علي ...وجهه تغير ..شتقصدين..قلت عطني جوالك اللي بجيبك وانا اقول لك شصاير
ما رضى يعطيني اياه
وبعد شد ورد قلت له هذي اخرتها من الحريم هالي بجوالك رسايل غراميه وانا ياغافلين لكم الله
الرجال شوي ويذبحني شتقولين قلت ..اللي سمعته..قال الجوال مش لي عشان كذا ما عطيتك الرقم
قلت والرسايل اللي بسمك
قال اي رسايل ....قلت افتح وتشوف......قال والله مش لي الرقم حق واحد وانا مستعيره منه فتره
قلت اجل خويك خربان ورايح فيها>>بس فيه رساله بسمك انت
ارتفع ضغطه وقال انا ماني راعي هالخرابيط ولااسمح لك تتهميني وترى كلامك كبير
لو ابقى حريم تزوجت بس اروح في الحرام لأ
قلت ويمكن متزوج وانا ماأدري ويحلف انه ماله دخل بشي واني اتهمته
وما رضى يعلمني سالفة الرسايل وقال دام وصل فيك الامر انك تتهميني وتشكين فيني ماراح اتكلم بس تأكدي انه مو انا اللي اسوي كذا
وبالموت قال كل اللي اقوله انه في ناس معاديني وانا ابي اعرفهم واتأكد من هم
طالعت في عيونه
لقيت كل كلمه قالها صادق فيها
ولقيت في عيونه انه منجرح ومنهان
واجلس اصيح اصدق قلبي ولا عقلي
قلبي مصدقه بكل كلمه بس ابقى رد يقنعني مافيه
صدقته لاني من يوم ماتزوجنا وفيه ناس يحاولون يفرقون بينا وكانت تجيني مكالمات من حريم يسالون عنه..بس ما قلت له الا ذيك الليله
قال ليش ماقلتي لي قلت حتى انت ساكت..قال ما اقدر اقول لك لأني عارفك غيور
جلست اتسمح منه واراضيه بكل ما اقدروهو ساكت لا يتكلم ولا يطالعني
صارت الساعه وحده باليل وهو مسكين على فطوره قمت وتعوذت من ابليس وسويت عشا وقومته وتعشينا وهو ولا كلمه
نام وهو مقهور من كل كلمه قلتها له...جلس الصباح وسويت فطوره وهو على حاله
ويوم جا بطلع للعمل لحقته وترجيته ما يطلع الا راضي
وهو يطالعني ولا كلمه..وراح واجلس طول يومي اصيح..اول مره اشوفه كذا
اول مره اراضيه ولا يرضى
صورته ما غابت عني وانا اتذكر نظرات عيونه اللي كلها حزن...جرحته بكلامي جرح كبيييييرمش قادر ينساه
جا العصر وهو على حاله تغدى وطلع
سويت عشا محترم وقلت بعدها اشوف وجا متأخر تعشى واجلس احاول فيه وانا على السرير انه يكلمني ويسامحني وهو ما زالت عيونه بنفس النظره حتى مش قادر يطالعني
نمت من كثر الصياح قلت بكره يرضى
وجا الجمعه وحنا على نفس الحال
ومن كثر ما تعبت صرت اصرخ بوجه العيال وما قدرت اذاكر لهم للاختبار الا بالموت
عشيت العيال وناموا وحطيت له وانا ماقدرت اكل وتعشى وهو على حاله
يوم جا ينام واجلس احاول فيه يكلمني يسامح يرد علي بأي كلمه
تمنيته يضربني او يصرخ بوجهي بس ما في فايده وانا اصيح يوم عجزت قلت له اذا ما كلمتني ماراح تشوفني بكره
وعطيه ظهري وانا بموت من الصياح
حسيت انه ما نام الا يقول لي ابقى ماي قمت وعطيته وهو ماسك بطنه ويتألم
عرفت ان القولون ضرب عنده من الزعل
واجلس الوم نفسي... وانا احاول فيه ياخذ حبوب مارضى..قمت وجبت له شاي ورق مع سويده
واغصبه عليه واحمي له زيت واجلس ادهن بطنه لين هدا الالم قلت يمكن زعله يروح ونمت بعد الفجر
راحوا العيال المدرسه وجلس خذ فطوره وما كلمني ولا طالعني وراح
سكر الباب كانه مسكر على روحي
وقررت اني ما اكلمه وحطيت حرتي في البيت ما بقيت شي الا نظفته
دق الطهر وردوا العيال قال شوفوا ماما سوت غدا..>>العاده ما يقول لهم الا نادوا ماما>>> وجاو قلت ما سويت رجعوا قالوا لي يقول بابا هو جوعان وبيجي الحين وبيجيب معه غدا لا تسويين
انا من الغباء ما عرفت انه لان شوي يوم جا رحت المطبخ ولا شافني حطيت الغدا اللي جابه وقلت للعيال يشيلونه
ورحت المجلس قال لهم نادوا ماما قلت دام هو ما جاني من نفسه اكيد للحين زعلان
قلت لهم تغدوا مابي >>>عيالي اول مره يشوفونه متزاعلين..>>ويجون لي يقول لك بابا ليه >>قلت شبعانه
تغدوا وانا الحالي وطلع ودق بالليل قال لهم تبون شي وجاب لهم عشا وجا وانا ماطلعت له...حطيت عشاهم وحت للمجلس قال وين ماما قالوا له ماتبي قال شيلوه وتعشوا رجعتهم بالعشا وصرخ عليهم >>مساكين لا انا ولا ابهم تعشى معهم حطوا العشا بغرفتهم وتعشوا
>>>>انا كنت مستعده ذيك الليله اني ما انام معه وخذت اللي احتاجه من الغرفه قبل ما يجي
ناموا العيال وانا بعيده عنهم قلت يمكن يجي يطل علي,,يحن علي خاصه اني حامل
بس ما في فايده ونام بالصاله
انا ما جاني نوم من كثر ما صيحت...قلت بكتب لكم آخذ مشورتكم... بس تذكرت انه ربي هو اللي راح يساعدني
جلست بين نفسي ...ليه الي يصير لنا..الكل حاسدنا على السعاده اللي احنا فيها لدرجه الكل يقول كأن حنا معاريس مع العموم ان حنا لنا اكثر من 10 سنين
اكيد انا قصرت بحق ربي عشان كذا الشيطان قدر يستغلني
قمت توضيت وصليت الشفع والوتر وجلست ادعي ربي بألم انه يغفر لي وان اللي صاير لي نتيجه ذنوبي
الا الفجر يذن
حسيت براحه غريبه والله على اني صليت وماقدرت انام الا ان احساس رائع في نفسي
فتحت جوالي وجلست اقرا كل رساله رسلته له وانا اصيح
قمت للعيال وراحوا للمدرسه وسويت له فطور وكويت ثيابه وهو نايم
جلس وانا اسمع حركاته ويوم سكر الباب رحت الغرفه الا فطوره ما تحرك
يعني لا عشا ولا فطور
جلست اصيح وانا اتألم اكثر وقررت اني ما اطول السالفه
سويت الغدا وتروشت ولبست وتعطرت من عطر كان جايبه لي هديه قبل اسبوعين
ولبست العيال وجلست انتظره
صليت العصر الا العيال يقولون بابا جا
انتظرت لين دخل الغرفه وعيالي عيونهم علي بابات هنا داخل
دخلت عليه وسكرت الباب
ما قدرت اتمالك نفسي لميته بكل قوتي وجلست صيح>>>((اكتب لكم كلامي ودمعتي تنزل )) كل اللي قاله لي ليه منخشه ماتبين اشوفك
قلت له انت ما تبيني
قال لي انا ما ابيك ليه
غير ثيابه وجاني قاال اجيب الغداا امس ولا تتغدين معنا
وترسلين العشا ولا تجين
خليتيني انام جوعان
قلت غصب عني يوم ماشفتك تكلمني قلت ابعد شوي عنك
قال حتى لو اني زعلان اول مره تسوين فيني كذا وتخليني انام على الكنب
حتى لو انا زعلان انت ما تزعلين على زعلي
المهم يالغاليين زوجي رضى عني
بس الاهم انيس عرفت اشياء كثيره من الي صار
عرفت ان اي هم يصيبنا هو من كثر ذنوبنا
وان الوحده كل ما كانت قريبه من الله ودعته بقلب مخلص فان الله اقرب وهو القادر على كل شيء سبحانه
انا مادعيت انه تنحل مشكلتي دعيت ان ربي يغفر لي لان اذا ربي راضي عني ما راح انهم
وفي حاجه مهمه...علمني زوجي سر الجوال وسر الارقام لدرجه ما قدرت انطق بكلمه وعرفت اني ظلمته وهذا اهم شي في السالفه لان قلبي الحين مرتاح وما راح اشك في زوجي حبيبي مره ثانيه
لو تدرن سر الجوال ما تصدقون شلون صارت الاحداث لنا وشلون انا صدقت كل ماصر
تبون تعرفون السر
والله تعبت ساعتين وانا اكتب
بكره راح اكتب لكم السر
بتقولون ليه بكره
بقول لأنه يستاهل انكم تنتظرونه ولا تصيرون طماعين تبون تعرفون كل شي مررره وحده
ارجو انكم تستفيدون من اللي صار لي وتحسن كل وحده الظن بزوجها


مع السلامه والله عندي موعد في المستشفى ولا كان كملت لكم لاني ما احب حركات التدويخ الا مع زوجي>>>>

ياعمري..والله السالفة اثرت فيني حسيت كاني انا اللي يصير معي هذا كله..
وعلى قولك كل شيء يصير لنا هو من سبب ذنوبنا..
ربي اغفرر لنا وارحمنا...
الله يحفظكم ويحفظنا من كل عين حاااسدة..يارب...

صراااحه اندمجت في الفلم
الحمدالله انحلت المشكله الله يتمم عليكم

الحمد الله انكم تصالحتوا الله يديم عليكم السعادة ولا يغير عليكم آآآمين