وحشتوني مره ......... بعد هالغيبه الطويله عنكم(والله محد سئل فيك:09:) قالو من طول الغيبات جاب الغنايم
واليوم جيبتلكم طبق سويته في ساعه الاربع او اقل مشالله تبارك الله ولاقوة الا بالله , وطبعا كعادتي الخنفشارية
حطيت هذا على هذا وطلع طبق صراحه عجيب :) . ويللا الحين راح ابداء بالمقادير والطريقة مع بعض :
اول شي نجيب قطع الفيليه السمك طبعا خاليه من العظام
ونقطعها بالعرض لقطعتين او ثلاثة حسب سمكها ,وبعدين نجيب المطرقه حقت الاستيك ونحط قطعة الفليه وسط
كيس نايلون وندقها بس بشويش لان السمك حساس:pinklove:
تحميل صور
وبعدين نجيب ثلاث صحون :صحن نحط فيه شوية دقيق او طحين -صحن فيه بيضتين مع بهارات وملح واجينموتو - وصحن
فيه بقصماط ناعم , ونغمس الفليه اول شي بالطحين وبعدين البيض وبعدين البقصماط
تحميل صور
يتبع
تحميل صور
وفي هاذي الاثناء نكون سلقنا مكرونه ومعاها مكعب ماجي وشوية زيت وصفيناها والمكرونة تكون ياطويله العادية او
الفيتوتشيني ولو كانت بالثانيه تكون افضل كثير بس انا ماكانت متوفره عندي بصراحه , ونخليها على جنب.
ونروح لخلطة الكريمة وهي عباره عن : كريمة الخفق - ثوم تقريبا نص ملعقه صغيره - ماشروم حسب الرغبة -
تقريبا ربع الكيس سبانخ مثلجة - وملح وفلفل اسود وبهارات ايطالية .
تحميل صور
نضيف اول شي زبدة تقريبا ملعقه طعام وشوية زيت ونضيف عليهم الماشروم ونقلب شوية وبعدين السبانخ مع الثوم
ونقلبهم شوية ويعدين نضيف الكريمة والبهارات
تحميل صور
وخليتها تغلي شوي وبعدين ضفت ملعقة صغيره نشا مع شوية موية بس عشان ابغى الخليط يثقل وضفتها على
الكريمة بالتدريج الين شفت الككثافه اللي عجبتني:22:
وبعدين نرص الفليه المقلي في صحن التقديم ونسكب عليه نص الكريمة والنص الثاني نضيف عليه المكرونة
المسلوقة ونقلبهم سوا وقدميها بجنب الفليه:p وراح يكون الطبق بهذا الشكل ولا احلى مطعم:cook:
تحميل صور
وعليكم يالعافية :)
ان شالله يعجبكم وانتظر ردودكم