كيفكم
دائما اصور اكلاتي بس ولا مرة تشجعت انزلها هنا>> كسولة
بس اليوم قررت اشيل الكسل وانزل غدانا مبارح
وكان عبارة عن فيليه سمك + رز اصفر بالكمون والعصفر + بقدونسية + قلاية بندوورة
بسم الله
صورة السفرة كاملة
راح ابدأ بفيليه السمك
نحتاج
1 كيلو سمك فيليه مقطع ومغسول
1 م ص ملح
1 م ص فلفل اسمر
1 م ص البهارات السبعة
1 م ص بهارات سمك
1\2 م ص بابريكا
1\2 م ص كمون
1\2 شطة حارة
خل وليمون حسب الكمية
و هنا صورة البهارات واضحة
نتبل السمك بالبهارات والخل والليمون ونتركهم ساعتين بالثلاجة
V
V
V
بعد ساعتين بنرجع عالمطبخ ونبدأ بتحضير الوجبة
للسرعة لاني بحب اخلص بسرعة
فكل شي بحضره بنفس الوقت
اول شي بنبدأ بالرز لانو اكتر شي بياخد معانا وقت
للرز بنحتاج
1 كوب رز منقوع
بصلة صغيرة مقطعة شرائح رفييعة
(توابل ارز ابيض - ملح - قرنفل - اكليل الجبل - هيل مطحون -عود قرفة مقطع - كمون - عصفر(كركم) - مكعب ماجي)
يلا نبدأ
نقلب البصلة على نار هااادية لحد ما تبدا تتحمر
نضيف البهارات ونحمرهم مع البصلة علشان النكهة
نضيف الارز المنقوع ونقلبهم سوا
وبعدها الماء المغلى لكل كوب ارز كوب ونص ماء (او حسب النوع طبعا)
ونتركهم على نار هادية مدة 20 دقيقة
متل ما قلتلكم انا كل شوي بعمله بنفس الوقت
علشان هيك واحنا بنستنا الرز يستوي
راح ابدا بالسمك
نشيله من الثلاجة علشان نقليه
وبنحتاج طحين - بقسماط - بيض مخفوق مع حليب وذرة نسكافيه ومتبل بملح وفلفل اسمر)
بنغطي السمك كله مرة وحدة بالطحين بعدين البيض بعدها البقسماط المطحون
جاهز نوعه كنتاكي حار
يتبع
وبنبدأ نقليه بزيت حامي ونخفف النار
بنقليه على نار هادية تقريبا 5 دقائق لكل جهة
وهون الجهة التانية شوفو كيف متحمر و بيقرمش
بهالوقت بنبدا نحضر لقلاية البندورة
بنحتاج
بنحتاج بصلة كبيرة و2 طماطم مقطعين
ملح فلفل اسمر مكعب ماجي وشوي كمون
بنقلب البصلة وشوفو كيف البصل مفروم ناعم
بنضيف الطماطم وبنقلبها
بعدها بنضيف التوابل
وبنتركها على نار هادية
وما بتاخد عالنار اكتر من 5 دقايق
وهون لما خلصت
وبنفس الوقت
استوى الرز
ويا سلام على ريحة الرز يمي يمي
العصفر والكمون بيعطو ريحة وااااو
كلو بيخلص بنفس الوقت
يتبع