فينـــــــــي عيـــــــــــب؟؟
وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ ـ
على لسان وحده
تقول : وأنا أصلي بالحرم الا بذيك الحرمه الكبيره بالسن اللي تصلي وتبكي
تصلي وتبكي وتدعي وتبكي
انا استغربت منها وقلت اكيد لها سالفه وكان كل مابين فتره يجيها ولد شاب يكلمها ويروح
انا اخذني الفضول بصراحه وجلست بجنبها وسألتها ليش تبكين عسى ماشر
قالتلي مافي شي , أنا أصريت وسألتها مره ثانيه سكتت شوي بعدين قالت والله من العذاب اللي فيني
ليش؟ وش السالفه؟؟!!
قالتلي اقولك قصتي وبعدين احكمي
كنت متزوجه من زوج ونعم الازواج يحبني ويحترمني ويعزني
بس كان فيني عيب اني ما اجيب عيال وانا حاولت بس الله مارزقني فشرت عليه انه يتزوج ثانيه هو مارضى فالبدايه بس انا قعدت احن واحن الين وافق
فدورتله على الزوجه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها و فتره بسيطه الا والمره حامل زادت غيرتي
المهم جابت له ولد الزوج استانس وفرح وقعدت انا افكر بنفسي كيف انا اللي شرت عليه في يوم جاني زوجي وقالي بسافر مع مرتي الثانيه وبنخلي الولد عندك ووافقت طبعا لانه مافي احد يمسك الولد غيري
سافروا وخلو الولد عندي وكان الوقت شتا وكنت شابة الجمر
والولد عمره تقريبا سنه وكم شهر وهو يلعب ويطامر قدامي
وانا بقلبي نار تشتعل مثل الجمر وشلون ياخذها ويسافر ولا !! ويخلي الولد عندي ومن هالكلام وفجاءه الا الولد يمد يده بيلعب بالجمر ومن ناري وغيرتي مسكت يدينه وحطيتها اكثر بالجمر اليين ذابت يده وهنا شلتها بعدها مايحتاج اقولك اشلون صارت يد الولد
وكذا حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث
وظليت بروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
هو اللي يشوف طلباتي وطلبات البيت ومو مقصر معاي بشي
بس انا كل ماشفت يده يتقطع قلبي على اللي سويته فيه وهو يناديني يمه بس الى الان ماقلتله اني انا اللي شوهت يده
ولازلت اعاني من العذاب وتانيب الضمير وادعي ربي يغفرلي ذنبي
سبحان الله وشلون حكمة ربك انه صار خير لي لولا الله ثم هالولد كان انا حالتي حاله
ويرد يجيها الولد وهو مخبي يده ويحب راسها ويسألها
هــا يالغاليه نروح الحين
17
2K
يلزم عليك تسجيل الدخول أولًا لكتابة تعليق.
يالله ياقوة القلب تحط يد الطفل بالنار؟؟؟
الطفل اش ذنبه؟؟
مشكور على القصه عظه وعبره
الطفل اش ذنبه؟؟
مشكور على القصه عظه وعبره
آذكــآر
•
لاحول ولاقوه إلا بالله0 الله يصبــرهــا على تانيب الضميــر
والحمدلله انها راعته وربتــه ليـن كبــر...
الله يغفر لامه وابوه..ويسكنهم فسيح جنــاته
ثوانـي..ردد معي
لاإله إلا الله محمد رسول الله
سبحان الله وبحمده سبحان الله العظيم
استغفر الله العظيم واتوب إليه
لاإله إلا انت سبحانك إني كنت من الظالمين
والحمدلله انها راعته وربتــه ليـن كبــر...
الله يغفر لامه وابوه..ويسكنهم فسيح جنــاته
ثوانـي..ردد معي
لاإله إلا الله محمد رسول الله
سبحان الله وبحمده سبحان الله العظيم
استغفر الله العظيم واتوب إليه
لاإله إلا انت سبحانك إني كنت من الظالمين
الصفحة الأخيرة
والله تحزن فعلا الخيرة فيما يختارة الله
وعسي ان تكرهو شي وهو خير لكم
ياارب تستخير الي فية لنا خير وتعجل بفرجك