فيني أكتئاب وحزن وخوف على نفسي محتاجتكم

السلام عليكم


بنات انا الأن حامل في الأسبوع 36يعني بأول التاسع ومن دخلت شهري وانا متوترة مره خايفه من الولادة خوف موطبيعي،،،
حابة اسئلكم عن التعليمي الخبر من ولدت فيه وكيف الأهتمام
توي جايه من عندهم وانحبطت أحباط موطبيعي خفت على نفسي كثير من لحظه أجهل وش بتكون ووين انا ساكنة بلأحساء وأهلي في الدمام وصعبه أجلس معهم لين أولد وبعد ماأولدانا طبعي أحب الأستقرار قلت بأخذ أسبوعين من التاسع والثالث بجيهم ،، ومستبعده الولادة في مستشفى الولادة والأطفال لأنهم مايعطو أبرة الظهروأنا ناويه أخذها ،،وفي التعليمي قريت مواضيع للبنات ان ممكن أقدر أخذها وهديت من نفسي شوي
بس قبل شوي كنت بطواريء رحت فيني ألم بضلوعي موصاحي يومين تاعبني وبلمره قلت أشوف وضع المستشفى وكيف أستقبالهم للوحده وقت الولادة الي حصل برود موطبيعي حسيت أهتمامهم بلوحده مش ولابد يعني في حالات طارئه ماعطوهم أهمية الا لما المريضه راحت بنفسها تكلمهم ولما جى دوري الدكتور ماتجاوب معاي وماعطاني أهمية يسئلني ليش جايه قلتله أحس بألام كذا قال وأن طبيعي مع الشهور المتقدمة وانا احس بألم بضلوعي شديد مع تحجروالم من تحت ،،توقعت يعطيني مسكن أو اي شيء او حتى يسوي لي سونار يشوف وضع البيبي مثل ماتعودت بلولادة والأطفال او اي مستشفى ثاني قالي تبي بكشف عليك قصده يشوف اذا الرحم فاتح اولا حسيتها صعبه رجال يكشف علي قلتله مافيه دكتوره قال تبيني أنا ولا الله يسترعليك ماعندي لك أي شيء قلت له طيب سونار اوك طمني على وضع البيبي قال لامابسوي لك سونار تبي كشف اوك ماتبي الله يسترعليك وطلعت وكلي أحباط بعد ماكنت حاطه أملي عليه حسيت. ان انا بتبهذل فيه وانا مره خايفه من الولادة ومااتخيل نفسي بولد بدون أبرة الظهرولاأقدراولدفي خاص حاليآ الي جربت التعليمي في الولادة تعلمني تجربتها