فيني صيحة ادعوا لي الله يعوضني خير

والله مدري وش اقول دموعي على طرف عيني بس ما ابغى اصيح لأني لو صحت ما بسكت
إلا إذا نمت ... أنا وحده عمري فوق الثلاثين والكبيرة في البيت المهم هالسنة انخطبت ٣ مرات
واحد اهله ما رجعوا يعني ماعجبتهم والاثنين أنا رفضتهم واحد لان فيه عيب الله يستر علينا وعليه
والثاني ما ادري قلبي مو مرتاح فرديته المهم .. مسألة الزواج هذه عندي قناعة إنها بيد رب العالمين
وإن شاء الله كل تأخيره وفيها خيره .. اللي مضيق صدري إنه اهلي حالهم على قدهم وأنا لاني محصلة
وظيفة ولا جاني تعين فقررت ادخل لعالم التجارة واستخرت وبديت .. بس المشكلة أخواني صايرين علي
تقول اعداء مايفكرون إني مسكورة وأني ابغى اي شيء يشغلني عن التفكير في الأطفال وعن حسد البنات
اللي اصغر مني كلمتهم يودوني البنك انشط حسابي ولا واحد رضي ولا منافخ وكلام يبكي ماتقول أني اختهم
وأبوي رجال كبير مايقدرون عمره ولا يقولون نشيل عنه .. وداني ابوي ونشطه وطلعت بطاقة ماستر كارد علشان
بشتري من برا .. واليوم طلعت ودقوا علي ارمكس علشان استلمها تصوروا احدد لهم مكان معروف يجوني عنده
لأني ساكنه في قرية بعيدة المهم رحت لأخوي اللي ربيته زي ولدي قلت له وش رايك ساعة نطلع استلمها ونرجع
قالها بكل برود أنا حلفت ما أسوي لك شيء ويضحك .. والله لو أني ما احبه وأخاف على امي وابوي يصير فيهم شيء
كان دعيت إن ربي يحرق قلبه ويلاقي اللي يذله ويقهره .. وباقي أخواني مامنهم نفع يشوفوني في الدنيا خدامة جارية
وهم الأسياد ينخدمون بس ما يخدمون .. الله يسامحهم .. تجيني لاحظات أفكر لو وافقت على واحد من هاللي متقدم لي
على الأقل ما أنذل كل هالذل .. ما ادري اذا كلامي واضح .. ادعوا لي الله يعوضني خير ويشغلني بذكره عن الناس



كل من شافت توقيعي تدعيلي بالهداية والجنة والستر والزوج الصالح والذرية الصالحة