فيني ضيقه مايعلم بها اﻻ الله ..شورو علي ايش اسوي

السلام عليكم ورحمته الله
انا بقول لكم قصتي لاني خلاص تعبت وماعد فيني صبر مدري ايش اسوي وماعد اقدر افكر
انا متزوجه لي 13 سنه وعندي 2اوﻻد وبنت وعايشه بعذاب زوجي ماخلى شي اﻻ سواه من سب وضرب واهانات وكلام جارح تزوجني عمري 14 سنه واستغل ضعفي وخوفي وعدم تفكيري الصحيح في الحياه من اول ماتزوجته يتهددني بكل صغيره وكبيره باي شي احبه بحياتي و يتعمد يحرمني منه وانا كنت اسكت من الخوف مثلا لو بغى شي يقول تسوينه واﻻ ماتروحين ﻻمك واذا ضربني اوغلط علي يقول لي اذا شكيتي ماراح تشوفين عيالك وتحلمين تاخذينهم وهم اغلى مافي الوجود بالنسبه لي ليش يتحملون هم اغلاطنا ....مبدأه بالحياه ان الزوجه تخدم وتربي وتطيعه حتى لو في شي غلط عصبي وماعنده اسلوب نهائيا اﻻ اذا بغاني بشي بس
المهم مشت السنوات وكبرت وصرت مارضى بالغلط وارادده وحقوقي وحقوق عيالي اخليه يجيبها لو بالمضارب عرفت ان الحياه الزوجيه احترام وموده واحنا مابيننا هالشي خلاص دمره وكل يوم اكرهه اكثر من اليوم اللي بعده من تصرفاته ومحسسني اني وﻻ شي بالبيت يعني مااالي وجود كم مره اروح ﻻهلي ومافيه فايده وماعنده مبررات وابوي وامي يقولون ارجعي عشان عيالك ايش ذنبهم وارجع وانا مو طايقته احس بس اروح اتفشل وانفضح وبس احس بالاهانات واكرهه واكره نفسي بعد ماعندي شي احب نفسي عشانه ﻻكرامه وﻻ احترام وﻻ شي اشوف الفرق بيني وبين اي وحده متزوجه ومنهم وخواتي وخواته ماشاء الله لهم ازواجهم محترمينهم حتى لو قصرت معاه في شي وانا والله عمري ماقصرت معاه بشي واحسهم واثقين من نفوسهم وانا دايم احس نفسي ذليله حتى بينهم وعارفين ايش اللي سواه فيني خلاص تعببببت وصدري ضايق ماني قادره افكر ونفسيتي مره زفت عيوني مورمه من كثر البكا وصرت دايم امشي واهاوشه حتى لو ماسوى شي كرهته خلاص مو قادره اتحمله شورو علي ايش اسوي ماودي اتطلق عشان عيالي ضحيت بكل شي عشانهم ما ابيهم يحسون بالنقص انهم بدون عائله واشتتهم المهم اني مدري ايش اسوي افيدوني وانصحوني وادعولي ربي يعوضني عوض خير بعيالي