فيني ضيقه من الي هو زوجي ومن اخته وحركاتهم

السلام عليكم
بجد متضايقه ومنقهره منه ومنها لانها دلوعته ويحبها موووت حتى يمكن اكثر عني وعن عيالي يحب اخته الدلوعه وايد ويحب ستايلها وكل شي يلفته فيها وحركاتها وضحكاتها وسوالفها وهم متفاهمين جداً مع بعض ولو كانو زوجين كان خلاص علاقتهم100/100 ناجحه سبحان الله هذا وهي اخته كذي.. وانا زوجته واجمل عنها واكشخ عنها لكن ما اعجبه ولا الفته مهما سويت وتدلعت وكل شي ومشي فايده والله بجد شي يقهر اشوفهم جدامي.. والله احاول اتجنبهم لما يكونو مع بعض لاني اغار وأبكي، واذا كلنامع بعض طبعا الحبيبه تزيد اذا انا معاه وهو فاهم بس مغطي على اخته ولما اواجهه وازعل عليه لا يراضيني ولا شي بس يقول انتي شكاكه وشكاكه هذي عبارته المشهوره، وحجته البايخه. عايشين حياتنا عادي لما ما اشوفها هذي الانسانه لكن لما تكون موجوده تصير نذير شؤم ويتعكر يومي بسببهم. واليوم خربت اجازتي لما شفتهم انا كنت مفكرتنها فبيت زوجها لكن تفاجأة انها موجوده معه فالصاله وطبعا سوالف وضحك، 
هي طبعا دائماً تكون فبيت اهلها لكن اكثر الوقت زوجي بدوام وما يشوفها ولما يتلاقو يصيرو كانهم فعالم ثاني. شو اسوي وانا جداً غيوره وهم لاحظو اني اغار ولكن يزيدو.