فيني غصة على عيالي تكفون ساعدوني

السلام عليكم
انا ابدخل يا الموضوع على طول لاني احس بغصة من عيالي الله يصلحهم

ما ادري وش لون ابتعامل معهم ذبحوني الكبير مايركد با الارض اربع وعشرين ساعة مناقز مايركد ابد وانا اتنرفز بقوة احس بقهر ليش ما يركد وزعول درجة اولى والدمعة با باب لو اصرخ علية دمعت عيونة ما ادري وشلون اتعامل معة ذبحني مرر تسبدي ويحب يشري ما يراعي الضروف ولا يحترمني انا وابوة ابد خلاص اذا قال شي ننفذة غصب ويصارخ كاننا اصغر عيالة هو عمرة 9 سنوات الله يصلحة ويهدية وانا امااتحمل ابد لو يجي الابو شوي بيرتاح ماخلوة يرتاح والابو زعول عللى طول يزعل واذا شاف ولدة زعلان زعل على انا وانا مالي ذنب بس ابربية ذبحنا ها الولد والله يوم انة صغير الكل يحسدني على علية لانة مؤدب ولا علية من احد وهادي

تو يبي الجوال بيكلم ابوة انا عييت عليى قلت لا وصرح يبي الجوال وهاوشتة اذا عدلت اسلوبك انا ابتعدل معك وقام يصيح انا ما هاوشت انا قلت عاي عطيني الجوال اكلم ابوي وانا ما ابغاهم كل شوي يزعجونة لو اعطيهم وجه كان كسر الجوال على راسي عطوني حل معة ولا البنت الي اصغر منة وانا اهاش علية تضحك ماسكة الضحكة من لفرح اني هاوشتة والله اني انقهرت ليش ما يصيرون على قلب بعض
ولا غير الكذب الي طايح فية يطق اخوانة واذا جيت اهاوشة قال هو قالي كذا وكذا اسوي لي كذا والبنت تحلف ماسوت شي وانا اعرفهم كلهم كذابين واذا جيت شهود اعترفو انة كذب ياربي وش اسوي فيهم على الكذب

والصغير كذاب يطقهم وانا اشوف واذا قلت اعقل قال ما سويت شي ما طقيتهم ياربي ليش الكذب

تكفون عطوني حل