فيني غصة مدري يمديني ألحق ولا ماألحق

صباح الخيرات عالجميع
محتاجة أفضفض فيني غصة لاهي إلي راحت ولا هي إلي أنفجرت
ياخواتي كم مره تكلمت على تغيير حالي بعد ماتعدل بعد مادخلت ام زوجي في حياتي ماصدقت ولدها يتعدل فرجعته الأولي
حسبي الله على كل من يفرق بين إثنين
المصيبة مو هنا
أنا ماقدر أوضح مشكلتي بالتفصيل المصيبة من ظمن طرق تخريب حياتي عن طريق أولادي
أولادي كم مره كتبت عن مواضيع عنهم علاقتي فيهم قوية ومايطلعون الا بإستأذان وكل شيء بأستأذن وانا وهم زي الأصحاب هذا غير انهم مايروحون المدرسة الا بعد مايتأكدون اني راضية عليهم ويحبون راسي وقدمي
ألحين تغير كل شيء حرضت أولادي علي حسبي الله عليها
مثلا اذا شافتني انصحهم او امنعهم قالت امكم ماهي صاحية وماهي كفو أم
وصلنا لدرجة اذا زوجي وأمه سوالف وشاف واحد منهم يكلمني ناداه ومنعه يكلمني رغم قبل وجود امه مايمنعهم
واشوي اشوي لين اولادي مو صارو يتطاولون لي ب السنتهم الا صارو يضربوني ونظرة الحقد بين عيونهم علي
وابوهم وقت مايغلطون علي يشجعهم ويلومني ويهزأني ويسبني ويسب أهلي قدامهم كنت شاكة انه يحرضهم علي
بس اليوم تأكدت لما سمعت ولدي يشتكي مني عند ابوه وابوه يحرضه قال هي ماهي صاحية وتعذبكم وتدور المشاكل ووووووو
أحس اني ضعت لما سمعت كلامه ماتوقعت منه ذا الأسلوب
مسكت الولد وقلت له بعطيك الي تبغ قال جوال جالكسي الفلاني قلت تامر أمر بس عندي شرط أنك تركل ابوك على أنفه ولو تكسره يكون أفضل وقتها كل الي تبغاه تلقاه بين يديك
قال حرام هذا ابوي وربي يحاسبني قلت طيب وانا أمك لما تركلني برجولك حلال ولا حرام
طبعا سكت الولد
وصارت السنتهم ماتطول علي الا بوجود ابوهم تخيلو وينادوني ب اقبح المسميات قدامه والاب بس يقول تستاهلين
خواتي ....عمر اولادي 13/11توهم صغار بس في مجال يتغيرون ولا ألم عفشي وأنحاش عند أهلي مادام هذي بدايتهم
قلت زوجي كان يضربني لين قومت عليه الناس وماعد مد يدينه قلت يمكن استخدم الأولاد من جات امه وهو فيه حقد علي وعلى اهلي بشكل ماتتصورونه ماغير يقول عندهم وعندهم وجالسين ومرتاحين وووو وهي بس ماغير تتكلم ب امي محظوظة مرتاحة ووووو
رغم الله العالم بحال أهلي
لقيت نفسي أسترسل بالكلام😭
الزبدة أولادي حارقين دمي راحت هيبتي وأمومتي التفكير الأول في راسي أرجع ل اهلي واتركهم ومصير الأيام بتردهم ادري انهم بيكرهونهم فيني بغيابي بس كرهوهم فيني بوجودي
والله ضاقت فيني الدنيا من سمعت زوجي يشحن رآس الولد تعرفون تأثير الأب على الولد وتاثير الأم على الزوج وأنا الضحية
حسبي الله ونعم الوكيل
😞😞😞😞😞
وش رآيكم ي أمهات