فيني غصه

ياعمري عليك يارب يكريم في هالثلث الاخير يرزقك بالزوج الصالح التقي النقي
ان شالله بتتزوجين وبيجي لك عيال وتلبسين وتبدعين فيهم
وتأكدي ان الشي اذا تأخر جاء بأجمل من مانظن

بقولك هالقصتين اللي اعرفهم معرفه شخصيه عشان يكون عندك امل
هذي وحده من جماعتنا تأخرت بالزواج وبعد كذا خطبها واحد مطلق وافقت عليه وتعالي اسمعي كلام الناس يوووه فلانه جلست واخرتها اخذها مطلق وسبحان الله وظيفته جدا رااااقيه وجاته بعثه وطلعت معه وتعلمت لغه وتوظفت وجاه عيال وهالحين ماشالله تبارك الله الله يزيدها الكل يغبطها على حياتها

والقصه الثانيه جدتي الله يحفظها كان اول انجابها بنات جابت 5 بنات وراء بعض وبرضو محد يسلم من كلام الناس لا اللي جالسه ماتزوجت ولا اللي تزوجت ولا حتى اللي خلفت صارو يقولون لها ام البنات المهم ربي عوضها بعد الخمس بنات جابت ست اولاد ماشالله تبارك الله ربي يرزقها برهم
يعني لاتفكرين من تزوج ومن تكلم فيك لان ان شالله ربي بيعطيك افضل مما يتوقعون الناس لك
كل ماعليك الدعاء في الثلث الاخير وفي ساعات الاجابه
وكرري دائما اللهم ياجبار كل كسير اجبرني

واذا على الغصه كل البشر ماحد سالم من الغصه
مذكور بالقرآن ( ولقد خلقنا الانسان في كبد)
يعني الحياه مكابده ويوم تجي على مانشتهي ويوم تعارض
والحمدلله على كل حال الله يكتب لنا الاجر على مايصيبنا من هم وحزن وتعب ومرض وفراق
وعسى الله يعوضنا بجنات النعيم ننسى كل مامر علينا

الله يجعل لك من كل ضيق فرج ويرزقك اضعاف اضعاف ماتتمنين
والله اقرأكلامك ودمعتي بعيني

الله يفرج همك ويرزقك بالزوج الصالح




 كـم هي الأقدار.. التي تألمنا وقت نزولها..
ولـكن لعلها خيره من المولئ وفرج قريب 




( لاتَدْرِي لعَلَّ اللَّه يُحْدِثُ بَعد ذَلِكَ أَمرا )