فيني غصه

السلام عليكم
مثل ماكتبت فيني غصه الم كل ما حسيت الألم يلتم كل ماانفك من جديد وتبدا افكاري واحلامي ف التخبط كل ماجريت الاحداث والحياه وتنازلت وبدأت انسا تتجدد من جديد اكتبلكم وانا ف قمة المي وحزني استيائي اسئله كثييير تحووم حولي حسييت بدواامة اسئلة يبغالها جواب بس ماني لاقيه او بالاصح ماحد بيجاوبني صح
كنت احلم كاي بنت انزوج وتبدا حياتي من الصفر ونبني طوبه طوبه لحياتنا كنت احلم تكون اول سطور حياتي الزوجيه تبدأ بي انا وزوج المستقبل ثم اطفالي ومشاكلي ومبعثرات الحياة بحلوها ومررها ...
لكن...شااااءت قدرة الله ولم تتحقق امنيتي حلمي الذي كبرته وبنيته الحمدلله ،،مايأتي من الله خيير ..
تزوجت من رجل له حيياته واسطره له بنيانه التي بناها قبل ان يعرفني وانا دخلت ع حياة شخص متعلقه حياته باشخاص اخرين غيري واذا بي ابحث عن اسطر ف حياته لكي اتثبت بها ولكن ....
حكايتي تبدا من هنا لديه ابنة من زوجته الاولى الله يرحمها توفت بعد ماتزوجنا بسنتينً ابنته عاشت معاي من عمرها ٧سنوات وربي يعلم كيف كنت اعاملها مو عشان زوجي ولا الناس ولا اهلي كنت اعاملها بما يمليه عليه قلبي من مخافة الله الحممدلله ولست نادمه ع معاملتي الطيبه لها ربي يوفقها ويسعدها لم تضرني ابنته بالعكس حاولت فيها تقولي ماما لاني مابغاها تقولي عمه وفعلا قالتها لي قبل مايقولونها لي اطفالي كنا نروح لجمعاتهم وكنت اشوف نظرات الحريم لي وكنت احس فييها وف الي يقولونها تدرون لييش لان كان ف واحد من جماعة امي تزوج وحده وعنده طفلين من الاولى وكانو الناس ينظرون لها طبعا كنت صغيره بس كنت اسمعهم واسمع سبهم واشوف نظراتهم بالرغم من طيبتهاكنت احبها بس مااادري لما تزوجت وشفت الناس تذكرتها ع طووول الحمدلله وعااادي كانت مثل بنتي اعلمها وارتبها وافهمها واعلمها كيف تسلم ع جدانها وكيف تصلي الي حولي من اقاربها كانو يدقون علي ويسالون كيف غيرتيها صارت غييير واحسن وعسل الحمدلله
لكن غصتي ليست هنا غصتي من زوجي سامحه الله بين فتره وفتره يقهرني يالمني يحسسني بشي ماكان ع بالي باذكرلكم بعضها طبعا زوجته الاولانيه جميييله بنتها طلعت مثلها ماشاءالله تبارك الله ف جمالها وبياضها وطولها الله يباركلها وكل هذا ولااااا همني ولاافكرت اني اقارن نفسي باحد بالرغم من نصيحة ابوي الله يحفظه يقول (يابنتي انتبهي تقارنين نفسك بزوجته الاوله تقولين بنتها تشبهلها وبتذكره فيها وهي اجمل وهي احلى عيشي حياتك الرجال انتي تعرفين كيف توصلين لقلبه قلت ابشر من عيوني ولايهمك يالغالي )فدييت روحه ❤️ بس الطامة تجي من زوجي بعد فتره وفتره يشوف بنته تمر يقول يالله رجعت تشبه امها كثيير وقتها جتني غصه الم وكتمت غيضي وسكتت ،،ومره شاف وحده بالتلفاز واحنا نتفرج فجاه يقول يالله تشبه ام فلانه يعني ام بنته هنا وقتها انفجرت قلت ماتستحي تقولها قدامي تبغا تتذكرها بكييفك بس بينك وبين نفسك مو قدااامي لان انت تحتقرني مره قلت والحين قلت سكت وفجاه جا يعتذر وسامحينيوابشري ومن عيوني قلت تخيل انا كنت متزوجه وعندي ولد فجاه وقدامك اقول يالله يشبه ابوه اش موقفك ؟؟تدرون اش رد قال اطلقك وعشان كذا تزوجت عذراء ماتزوجت تكون لي بس وانا الوحيد بحياتها قلت له حتى انا وربي كنت الغا كذا بس قدرة الله فوق كل شي نصيبي
مرات اسوي الاكل الي يحبه واتعب وانا واقفه ونجي ناكل وبنته صارت بالجامعه ...يقول الله يالاكل لذيذ فجججاه الي يمدح اكل جدتها ام امها ومو اول مرره ثالث مررره اعطيته ذيك النظره الي خيير ماتستحي وقتها حسسس انه غلط غلط كبييير واعطيييته ع راسه ...اليوم بنته خطبتها قربت وماف شي ماسويته رتبت وسويين ابغا اجمممل ع البنت عشان تحس انها مبسوطه وسويتها من قلبي مو عشان احد بس حسيت انها بنتي مع ان لاهي ولاهو حسسوني باني مهمه بحياتهم بس عادي ولافكرررت عاااادي فجججاه واحنا بجو روعه والبر ومبسوطين نتكلم عن خطبتها قلت الله يوفقهم اهم شي يتقبلون بعض قال لا ماعلييك هي جميييله بنتي وبيمووت فيها ...دقني قلبي قلت اهم شي تكون اخلاقها حللوه عشان تنحب اكثر حسيت انه يبغا يخلص الملام بسررعه وقال يلا يلا البيت برررد وطول ماانا بالسياره حسيت العالم مو لي ابد هو طبعا حس انه غلط ويراضي من بعيد لبعيد يحاول يعطيني مواضيع ويطلعني من موضوع لموضوع ويشاورني وانا ساااااااكته بس اهز راسي واقول ايوه يمكن ع ايييش مادري ....
هو للامانه ماااايقصر لو ايش نطلبه بس هو معروف عند اهله بانه عطوف ومايقصر ع احد يعني طبعه بس للاسف غااااامض جدا لي ٢٠سنه معاه ماحسيت باني هامه بحياته الي احبه انا مايهتم فيه اهرج اسولف احيانا يسمع واحيانا يبعد ف اشياء كثيره مااقدر اقولها حسيت من خلالها هذا الشعور والا هو طيب وحنون وعطوف مايقصصصصر باي شي نبغاه نحبه بس من ناحيتي انا ماااش اقلها اقلها الثقه مو وااااثق فيني ابد وهذي حسيتها واثبتها من خلال مواقف عشتها يعني مثلا بنته تروح لاخوالها تقعد عندهم تسهههر الين ماتبغا تطلب تروح لبنات عمها يوديها ولايسال متى جيتي والساعه كم ينام واحنا نفتح لها الباب ،،انا ام لبناتي واولادي بناتي بالثانوي الكبار يعني مو صغيره انا ربيت بنته وربيت بناتي واولادي بكللل شي والله العظيم اذا رحنا ويكند بس يوم نروح واليوم الثاني جا اخذنا بحجة البنات عندهم مدارس طيب وبنتك ..اذا سهرت وقلت واحد من اخواني بيجيبنا عشان اخذ راحتي والله ماينام لين ادخل البيت وزعلااااان ليييش تاخرتم ويهدد طيب طيب حسيت الشي الي يبسطني ماينبسط ولايعطي صحباتي لا سهرات لا اه بس الحمددلله جعل بناتي مايتزوجون مثلي الله يرزقهم بحياه تجننن لهم بس يااارب وبس هذي حكايتي وسلامتكم سامحوني طولت علييهم يالغاليات