السلام عليكم
يااخواتي العزيزات مدري والله من وين ابدأ
أنا فيني غصه على شبابنا الله يهديهمم ويحفظهم وخايفه على مستقبلهم
شباب مفحطين ..شباب درباويه وهجوله وسلاح وادوات خطيره ...واشياء كثيره يشيب لها شعر الراس ...ياربي انا حزينه على حال اولاد بلدي ...حزينه وعيوني دمعت وأنا أتذكر كيف حال الأم الي تعبت وربت وسهرت ودعت والاب اللي طالع من صباح الله خير يتعب يشقى يأمن المستقبل لأولاده والمكافأه تفحيط بتعب الاب وشقاه والام جالسه ببيتها تدعي لودلها اللي تأخر ...ولا الهياط اللي يسوونه الي يطلق عيهم الدرباويه والفساد ربي يهديهممم والالات الحاده والعنف اللي يسوونه ...اتخيل حال الام لو صار لولدها شئ ولا الأبو المسكيييين ...حزينه على تفكيييير الشباب والمراهقين والتكنولوجيا بيدهم وقاعدين يدورون الشئ الشين ويستخدمون هالتكنولوجيا بالغلط ...سمعت حتى العيال الصغار يخرب تفكيرهم من بعض الاولاد او الشباب الطائيشين وكيف ؟
الولد يلعب بالبيت ماطلع ماراح من بيته وقاعد يتدمر ...الاولاد اللي يلعبون بلاي ستيشن ويحطو المايك احيان الولد صغير ويكلمه واحد كبير يعلمه شئ وصخ او يجرجره الين تصير طامه كبرى
من جد والله انا حزينه واتمنى اسوي شئ ...اتخيل كل هالاولاد اولادي واخواني وجيراني ...اتمنى بيدي شئ اسويه اتمنى احد ينتبه لهم ....الاهل ابيهم ينتبهون ...صاير كل واحد لاهي بحاله ...الاسره ببيت واحد وماحد درى عن الثاني
اتمنى المسؤلين يسوون شئ ...يسوون مراكز كبيره فيها وسائل الترفيه من الى محاضرات دينيه توعويه باسلوب مشوق وجميل ... المفروض بكل حي يسوون مسابقات ترفيهيه دورات عالبلاي ستيشن في اطار تشويقي وكمان يشرف عليه جهه مسؤوله ...نفسي ونفسي أشياء كثير تتزاحم ببالي وماني قادره ارتبها
لكن والله صرت ارحم هالاولاد وارحم اهاليهم ....هم بخطر عظيم واتخيلللل كيف الوضع السنوات الجايه
شفت مقطع والله دمعت عيوني شئ رهيييب عن الدرباويه وكمان المفحطين ....عالممم كأن مافي البيوت احد كلهم متجمعيييين في اماكن الخطر ...
انا والله العظيم مدري ايش اقول بس أبيكم بهاساعه تدعون للشباب والبنات ان ربي يحفظهم من الفتن ماظهر منها ومابطن
يااااااارب احفظهم بعينك التي لاتنام واجعلهم قرة عين لوالديهم واجعلهم فخر للمسلمييييين ....
الحلم والأمل @alhlm_oalaml
محررة فضية
يلزم عليك تسجيل الدخول أولًا لكتابة تعليق.
ريفانتي
•
اللهم جنب شبابنا الفتن ماظهر منها وما بطن .......جزاك الله خير اختي
جزاك الله خير وصدقتي بكل كلمه
وما أقول غير الله يهديهم ويردهم إلى جادة الصواب رداً جميلاً ويجنبهم الفتن ماظهر منها ومابطن ويقر أعين والديهم بصلاحهم واستقامتهم
وما أقول غير الله يهديهم ويردهم إلى جادة الصواب رداً جميلاً ويجنبهم الفتن ماظهر منها ومابطن ويقر أعين والديهم بصلاحهم واستقامتهم
اللهم خذ بنواصينا وفتياتنا وشبابنا لما تحبه وترضاه
اللهم اجعلهم هداه مهتدين غير ضالين ولا مضلين
اللهم اجعلهم هداه مهتدين غير ضالين ولا مضلين
الصفحة الأخيرة