فيني فوبيا غريبة !! احتاج مساعدتكم

اخواتي
السلام عليكم ورحمة الله وبركاته
اخواتي احتاج مساعدتكم الله يجزاكم خير
انا قبل شهر رحت لطبيب العيون عشان افحص نظري لان نظري ضعف
ولقيت فيني القرنية المخروطية
وقالي الدكتور نسوي عملية cross linking مستعجلة بالليزر وبعدها نلبس عدسات
سويت العملية الحمد الله وتحسن نظري الحمد الله كثير
وفصلت العدسات وجبتها من امريكا مخصوص بسعر ٢٦٠٠ ريال
طبعا انا ما عمري لبست عدسات .. طول عمري بالنظارات .. وعادي متعودة عليها
الحين لما وصلت العدسات .. كاول مره ما عرفت البسها .. ومحاولات كثير وما ضبطت معي
صرت الحين متدربة على مسكتها تقريبا .. بس اذا قربتها لعيني اخاف واسكر عيني على طول لا شعوريا!!!
حاولت مع قريبة لي تلبسني العدسة وما قدرت برضو .. أسكر عيني لا شعوريا
اكتشفت اني اخاف من اي شيء يمس عيني
ولا احب حتى اي احد يمسك لي عيني
يعني مثلا ما احب احد يحط لي الكحل .. أحطه بنفسي حتى او ما اعرف
حتى بالليزر لما سويته ما خليت الدكتور يحط لي الحلقة اللي تفتح الجفن بدون ترميش ..
بنات والله اخاف بشكل شنيع واصرخ بأعلى صوتي اذا احد حاول يمس عيني
وانا نفس الشيء لو مسكت عيني بيدي اوخر يدي على طول واسكر عيني لا شعوريا
انا صار لي على هالحال أسبوعين من جت العدسات !!!
بنات هل الشيء هذا طبيعي ولا يعتبر فوبيا ؟!!
واذا فوبيا كيف اكسرها واتخلص منها ؟!!
بنات عدساتي لازم البسها كعلاج ... لااااااازم ... ولا يزداد وضع القرنية المخروطية ان ما لبست العدسات
بس مو قادرة وش اسوي
ابي حل