فيني قلق على ولدي .. مدري الي يمر فيه طبيعي ولا ... ؟؟

السلام عليكم ورحمة الله و بركاته

بدخل في الموضوع على طوول

ولدي حبيبي عمره الحين سنة ونهاية هذا الشهر بيكمل سنة و 3 اشهر

بس للحين ما مشى .. هذا الشي مو شايلة همه كثير لانه ولدي من النوع الي يطول في كل شي

يعني لما ثبت راسه ما ثبت الا لما صار عمره 5 شهور .. الجلسة تأخر فيها وحتى الحبييي

والاسنان طلعو له اول سنين 9 شهور والسنين الي فووق لما كمل السنة


وللحين احسه مايفهم كثييير واهو ما يتكلم عدل يعني كلمة وحدة وخلاص مثلا يقول ماما بابا عوة ببيب ويقول اسم بنت اختي و اسم اختي وتوه بدا يفهم انه لو احد يسأله وين البابا يأشر على ابوه و جذي ..

وللحين يمسك الاشياء ويحطها بفمه

وللحين سعابيله كثييييييرة

واظافره رقيقة جدا و تتكسر بنفسهااااا او تنعوج << ممكن من نقص الدم

لانه اخر مرة وديته الطبيب كانت نسبة دمه 10 و شووي والمفروض في هذا العمر تكون نسبة الدم 11


مادري يعني طبيعي ولا لا انه للحين مستمر على الاشياء الي ذكرتهااااا ؟؟

وبالنسبة للمشي فيه شي يسرع مشيه؟؟