فيني قهررر منه !

والله يبنات لو أشوفه بشارع بنط بكشته !!
أمس جار لنا في الشارع اللي قبل شارعنا .
عنده زوجتين معلمات . وهو متقاعد وكبير .
المهم يعرف أبوي من المسجد لاننا بحي جديد وقليل التزاور والمعرفه بين الجيران . وهو اتوقع صاحب عماره جديده ومسكن حريمه فيها .
الخلاص قال لابوي بعد صلاة المغرب ابي اتقهوى عندك بعد صلاة العشاء رحب أبوي وقال صلحن قهوه ...الخ .
الاخ جاي يخطب وأبوي داخل علينا وقال لنا وهو ياخذ القهوه . طبعا الخطبه لي
وأنا مطلقة بدون أطفال .
قلت لامي يمه الخطبه له ولا لولده ؟!!
مدري ليش نقزني قلبي أنها له وابوي وامي ياحياتي يحسبونه لولده !!
واول مادخل ابوي الا اوز أمي عليه روحي أسأليه
قال أبوي .
الرجال :أنا جاي أخطب
أبوي :تخطب مين ؟!
الرجال: بنت صمت .
أبوي :الخطبه لك ولا لولدك ؟
الرجال :لي
أبوي: والله أسمحلي الحين البنات مايقبل بمتزوج كيف وعنده 2
الرجال: وبنتك ماهي بنت مطلقة !!
ابوي:مطلقه بس توها وماعندها عيال والزواج مو في الاجبار رأيها معها .
الرجال :طيب أسالها
أبوي :بدون لا أسألها عارف ردها وماهي قابله .
الرجال : أنا قبلا فيني مدرسات وعندها رواتب
وبنت مطلقة وعاطله ترفض !!
(قهرني ابوي يقول يتكلم بطرف خشمه مستغرب اني مطلقه وماجاتني الوظيفه وارفضه .في الوقت اللي المدرسات طاحن بدبابيبه !
وربي من حكى لنا ابوي وأنا مقهوره منه
ويوم طلع يقول لابوي أنا فرصه لبنتك لا تضيعها !
مدري لمتى النظرة الدونيه للمطلقه !