فيني قهر الدنيا الله يعطيني صبر فوق الصبر

انا متزوجه تقريبا 14سنه واحد مطلق وعندو 3 ولدين وبنت كلهم كانو صغار ماشاءالله دحين رجال 20 و 19سنه والبنت 17سنه والله يعلم قد إيه ربيتهم وتعبت فيهم وكله بااجر وجلست 7سنين وخلفت الحمدلله المهم عندي البنت من صغرها شايفه نفسها والله العظيم ماني مقصره معاها بشي لدرجة كنت ابيع من ذهبي واسوي لها إب البنات اقول حرام ماابغاها تحس بالنقص حتى أمها شايفه وقبل أمها رب العالمين شايف كيف اعاملهم ماحد يصدق إنهم عيال زوجي وماشاء الله العيال ماتعبوني زي البنت الحين لها فترة قالبه عليا قلب ماادري اشبها لاتقولو يمكن عشان أمها البنت ماتحب أمها عشان رمتها وهيا صغيرة تروح تزورها بس عشان البر المهم صايره لاتحترمني ولاتقدرني وصوتها عالي وتنافخ وتتحسب والله شي يعور القلب وماحد شايف كيف انا عايشه تعبانه معاهم الله العليم كيف وفي الأخير ماادري اش قلبها عليا الحين لي أسبوع مااحتك فيها ولا اكلمها وهيا مستلمه اختها 5سنين تضربها وتسبسبها والله ادخل غرفتي وابكي ابغاها تكون لي عون قلبت فرعون كل شي على راسي البيت وابوهم وكل شي ماعندي شغاله وهيا الحين حالها زايد عليا ابوها ضربها حرمها هددها لكن للأسف ماتعدلت حتى أمها تشتكي من أسلوبها معاها الحين اخوها جلس يتفاهم معاها وهددها تخويف بس ولا كانو أحد يكلمها اش الحل أحس بتجيبي جلطه أو السكر أو الضغط منها الله يخليكم جيبو لي حل سريع الحين انا قررت اطنشها واشيل يدي منها في كل شي من طلبات من مصروف من كل شي قلت بذي الطريقه باادبها تبغى شي تكلم ابوها وهيا شايفه نفسها حتى مع ابوها على قولتها عندي كرامه ماني بحاجة أحد ابغى حل الله يبارك لكم في عيالكم 😢😢😢😢😢😢