فيني قهر ،، فيني غبن ،، مكبوته وكرهت الفلوس

السلام عليكم ورحمة الله وبركاته
من جد يابنات مدري من وين ابدا 
ليت مافي شي اسمه حافز ودوخه الراس 
مشكلتي ب اختصار 
زوجي م قد مشالي مصروف وكل م قوله عطني 500 مصروف يقول اعطيك تبن ومن هالكلام المهم فجاه جاني وقالي راح امشيلك 500 طبعا قبل حافز بشهرين وصار يعطيني 500 واقضي لبنتي منها واحيانن ياخذ مني 150 المهم يوم جا حافز اول شي سواه قطع المصروف يقول حافز يكفيك 1500 وكان مره مبسوط يقول تكفيك اول كان يقول عشان تشترين لك ذهب بحافز وياويلك لو اسمع انك معطيه اهلك منه
زوجي تسلف من ابوي 6000 ومعيي يوفيه يقول خليه ينساهن بكيفي ماني معطيه خل يروح يشتكي ومن هالكلام المهم قلت بوفي ابوي كل شهر الي اقدر عليه انت الي ارسلتني لاهلي يومك احتجت قوم الدنيا وقعدها وجلس يهدد يوقف حافز الشهر الي راح خذا مني 600 من حافز ولاقلت شي واليوم اتفاجا قلتله قريت خبر ان حافز احتمال ينزلونه 27 رمضان قال يوووه ليش قلت احسن في اشياء بنفسي ابيها قالي ليش ماينزلونها 5 قلت مدري قالي عاد راح نكون مفلسين طبعا حاط عينه على حافز وطبعا صرافتي معه مايبي يعطيني اياها الحين انا وش اسوي
اهلي والله يابنات مايقصرون معي كان يعطونا فلوس بالهبل ومابين بعينه كيف اوفي ابوي وكيف اخلي حافز لي ويعطيني الصرافه حاط عينه على 1500 ليش
فوق ماهو موقف علي المصروف يبي الي عندي
اهلي الحين يابنات محتاجين مقدر اعطيهم منه الصرافه معه وغير كذا يقول لاتجيبين سيره اهلك وحافز للعلم ماعمره قصر معي وانا احاول ماثقل عليه ليش كذا ياربي
ترا كلها 1500 المح له ابي الصرافه ذاك اليوم عطاني اياها انبسطت يوم جيت بحطها بشنطتي سحبها مني الحين وش اسوي