فيني مرض نفسي وانخطبت وش تنصحوني يابنات

السلام عليكم ورحمة الله وبركاته

كيفكم يابنات

بدون مقدمات بدخل في الموضوع

انا فيني مرض نفسي الله يشفيني ومرضى المسلمين مااحد يدري ان فيني مرض نفسي

انخطبت ومصره إنا نعلم الرجال واهلي رافضين تماما

انا الحمد لله من بعد ماتعالجت رجعت طبيعيه صح اني مريت بفترة ع بال ماتحسنت وهذه حجة اهلي يقولون انتي

طبيعية مافيك شي وشهوله نعلم الرجال ومن هالكلام وانا بين نارين بين إني ماابي اغشه وبين امي وخواتي

اللي يزنون على راسي حتى الناس ماسلمت من كلامهم وش فيها فلانة مااعرست خلصت جامعة ماناقصها

شي وكم عمرها ومدري ايش

وامي تقول تزوجي راح عمرك ابي انبسط وابيك تنبسطين

سألت شيخ عن هالشي قال اذا علاجك بيستمر طول العمر مايجوز لك تغشين الرجال وانا علاجي طوووول العمر


فرضا الرجال شاف الحبوب في مكان شي اكيد بيسألني هذه حبوب ايش انا وش برد عليه؟

حتى المواعيد لازم يكون معي احد عشان يسأله الدكتور تلاحظون عليها شي صارت لها انتكاسة او شي

طيب امي اكيد ماراح تكون عايشة معي لازم يسأل الرجال يعني بالعربي لازم يدري

قلت لأهلي والله ولا كني اتكلم

بالله يابنات انا وش اسوي ؟؟؟

ولا حول ولا قوة الا بالله العلي العظيم