السلام عليكم ورحمة الله وبركاته حبيباتي
توني جديدة عندكم ما ابغى ابدأ بنكد بس والله ضيييق
انا لسه ادرس وما شاء الله تقولوا عني دافورة نسبتي ما قد نزلت من ٩٩ و٩٨ ابدا وما عندي صراحة جو الغرور وكذا والله بالعكس اللي يسألني اساعده وانصحه بطيب خاطر بس في فترة الاختبارات كان زواج اخوي ومعازيم وازعاج الزبدة مو جو دراسة ابدا مع انو والله امي بقدر الإمكان تهيئ جو مناسب وتخرج من البيت عشان اعرف اذاكر كويس واليوم طلعت نسبتي جبت ٩٥ نقصت مرررة في الانجليزي خسفني مرررة وخايفة اعلمهم ما ابغى اشوف نظرة خيبة الأمل خصوصا ابويا تعب معايا كثييير ادري نسبتي حلوة بس في الفترة الأخيرة امي كانت تضغط عليا تبغاني اجيب ١٠٠ وتجلس تقارن بيني وبين اللي يجبيون ١٠٠ وتقول ليه ما تجيبي زيهم وش ناقصك وتجيبين ١٠٠ المرة الجاية وكذا واحس بخنقة مو طبيعية وكمان ادري البنات ح يضحكون عليا مع اني والله ما اتشمت والله اتمنى لهم ينجحون وادعي لهم معايا والله كأنهم اخواتي
وعندي اختبار ثاني وما في طاقة اذاكر خلاااااااص إحباط مو طبيعي
ادري سولفت كثير اعذروني بس محتاجة افضفض وما عندي احد يسمعني
