فين احصل بنجابي يصلح للعيد في جده؟

قصدك لبس هندي ؟ شوفي عندك الشرفية مركز الهنود بس تراهم مايطلعون الأشياء الحلوة إلا لما تجي نازلة:)

ماأدري عاد تفهامي معاهم:)

هاااااااي
ترا تلاقي بنجابيات حلوه في سوق الهنود شارع الامير ماجد هناك في سوق متكامل للهنود يبيعو جاهز وكمان اقمشه ممكن يفصلولك هي اذا تبغي وبالمقاس الي تقوليلهم بس اهم شي انتبهي تراه هم لمن يشوفو سعوديين يطخوهم بالاسعار يعني حاولي انك تتفاوضي معاهم على السعر ممكن تزلي 30 ريال او اكتر

ممكن توصفي لي المكان بالضبط مع خالص الشكر

وردة زنبق
اذا تبغي نصيحتي عندك حراج الصواريخ كل الألبسه الهنديه والباكستانيه طبعا اقمشه ساري وبنجابي اشكال والوان والله وخامتها حلوه انصحك والاسعار برضوا طيبه يعني اذا مره غليت 85ريال سواء الساري او البنجابي وبعدين تجيك الاقمشه مره مزبوطه يعني يكفيك في التفصيل ويزود يعني
الساري
يجيك قماش الصديري متر مشجر واللفاعه سادة سته امتار
اما البنجابي
يجي طبعا ثلاث قطع اللي هيه الشال ويكون مترين والبلوزه برضوا مترين والبنطلون او التنوره طبعا على كيفك تفصليها كمان مترين:26: :26:
وبالنسبه للاكسسوارات حقتهم تلاقيها فمحل اسمه He وShe فشارع المكرونه عندهم كل شي تدورينه يخصهم
المكان بالضبط عند مدرسة القنصليه الباكستانيه على قولهم حي (عنيكش) سابقاً والعزيزيه الان
اذا عندك استفسار انا حاضره