فين اروح عشان انخطب 🚘 يمين ولا يسار 😂 ؟

السلام عليكم اخواتي ..
مالي احد افضفض له ، والله لي يومين بس ابكي ع حالي ، 😢
عشان كذه سجلت بالمنتدى 🌸🌸 اشكي لكم ، لان احراج وصعب اشكي لأمي او اخواتي 😨
راح اشرح لكم نفسي ، عشان تعرفون مشكلتي ،،
انا بنت عمري 26 سنة متوسطة الجمال يعني عادية ، متخرجه من الجامعه وبحثت عن وظائف بكل مكان وللاسف ما انقبلت ، مليت من الوحده والفراغ 😢، رغم سجلت بدورات ومارست هواياتي ، لكن خلاص احس طفشت من حياتي ، نفسي انخطبت واستقر ،
صرت كل يوم قبل لا انام افكر بالزواج ومتى انخطب وكذه ،
لكن للاسف ولا مرة انخطبت !!
والسبب لان اهلي بيتوتيين 🏣، مايخرجو للناس ويتعرفو عليهم ونفس الشيء هم مايزورونا ،
اللي نزورهم ويزورونا هم خالاتي وعماتي بسسسس !
مافي ناس جديده او جيران يجونا !
امي ماتروح لأحد رغم هي تحب تتعرف ، لكنها تنشغل بحالها وتنشغل بدراسة اخواني وكذه ،
بالنسبة للاعراس ، للاسف ماتجينا كروت دعوة !
بالسنة يجينا كرت واحد او كرتين بسسس !
بالنسبة للعزايم اللي بالاستراحات محد يعزمنا ،
لان مايعرفو رقم امي ، او مثلا ينسونها لانها مو متواصله معهم وكذه ....
دايم امي تقول انها تبغى تتعرف ع فلانه ، لكن بيتها بعيد ،
وابوي مايحب المشاوير البعيده ..🚘
او تقول انها تبي تزور بيت فلانه ، ومع ذلك ماتزورها ...
المشكلة الايام تمضي وتمضي ! وعمر البنت يكبر !
محد حاس فيني وحاسس بهواجسي ،
خايفه من بكره ،
قولو لي ايش اسوي ؟ عارفه ان الزواج نصيب ، لكن لازم الواحد يسعى مو يجلس البيت ، وخاصه ان امي وابوي مو اجتماعيين ،
فأيش اقتراحاتكم ، كيف اخلي الحريم يشوفوني غير الاعراس والاستراحات والزيارات المنزلية ،
لان زي ماقلت لكم .. الاعراس عندنا قليله وكمان ماتجينا كروت دعوة !
وكمان عزايم الاستراحات محد يعزم امي ،
وبالنسبة للزيارات شرحت لكم وضع امي واصلا الناس صارت منشغله بحالها وماتزور احد ...
فين اروح ؟ 🚘ىيعني اماكن فيها تجمعات حريم يصير اظهر نفسي لهم ويتعرفو علي ....
تكفون لا احد يقول لي الزواج مو كل شيء !
ولا احد يقول لي ملهوفه او برخص نفسي !
عارفه انه نصيب ، بس ابغى اسعى بدل ما احط يد ع خد انتظر رغم محد يعرفنا !!
تخيلو لما اختي الكبيرة تزوجت ، وكنت اشوفها تجهز لزواجها من ملابس واغراض واكسسوارات وكذه ، قمت اتخيل نفسي اقضي مثلها ، وحددت المحلات وفستان الزفاف ، كنت احسب ان كل بنت ما ان تصل لسن ال 20 سنة تتزوج 😢 تفكيري برئ .. وبعد انتظار وانتظار لين صار عمري 26 محد خطبني صرت احس اللي تتزوج صارت لها معجزة !
احيان اقول يمكن عشاني عاديه الملامح ، لان لما اروح لعرس مع امي ما الاقي حرمه تطالع فيني 😢
يارب اللي ترد علي او ترفع موضوعي ،
يرزقها ربي سعاده من حيث لاتحتسب ،
ويفرج همها ويجزاها كل خير 💜🌸