أم نسيبه
•
أعملي جدر صناعي في غرفه أولادك (ممكن من الابلكاش)
طوله بطول الجدار وعرضه بعرض الجدار (نص متر يخذ من الغرفه )
وسوي فيه باب بحيث تقدرين تدخلين داخل
وخصصيه للتخزين والشنط والمكنسه الكهربا والمكوى ووو
طوله بطول الجدار وعرضه بعرض الجدار (نص متر يخذ من الغرفه )
وسوي فيه باب بحيث تقدرين تدخلين داخل
وخصصيه للتخزين والشنط والمكنسه الكهربا والمكوى ووو
الصفحة الأخيرة
شفتها في بندة وكارفور بس اسعارها افترا فوق الستين الحبة واعتقد في محلات الفرش ارخص !!
بالنسبة لصاحبة الموضوع انصحك تفصلي غرفة اولادك فيها مخزن لهده الأغراض .. انا وضعي زيك ومن يوم مابدأت افرش خصصت تحت سرير الولد الكبير سرير درج اليي في ايكيا يجيك درج بحجم السرير وتسحبيه وقت النوم ..وسرير الولد التاني تحته مساحة فاضية شالت لحف كتيرة ..
وفي غرفة البنات سويت سرير زايد وتحت السرر دواليب تشيل الفرش الزايدة ..وعندي غرفة الغسيل مخزنة فيها خير كتير .. وتقريباً كلنا انا وأخوات جوزي لازم غرفة مليانة فرش الضيوف.
انا ما جبت غير طراحتين وبصراحة جوزي اليي اصر انه مانجيب غيرها ومن جد الحمد لله اني ما اصريت نجيب غيرها لأنها هي البلشة في التخزين ولما تجينا عيلة يناموا الأم والأب ولو فيه نونو في الصالون بالطراحتين وبزورتهم يتفرقوا في الغرف الأولاد مع أولادي والبنات مع بنتي ومرات اخد بناتي يناموا في غرفتي والضيوف يناموا على السرر .. وغرفة الجلوس كنبها يصير سرير افرش عليها شراشف ومخدتين ولحافين ويصير مناسب للناس اليي ماعليهم غطا زي امي وابويا وام جوزي لو اصرت تنام بدون مكيف ومرات ماشاء الله تجي كم عيلة بس برضه تتدبر الحمد لله ..
اخدت لي 4 لحف من كارفور كان عليها عرض وهي اليي نفعتنا مرة نفرش بعضها وبعضها نغطيبها البزورة ..وعندي كم لحاف مزدوج وكم لحاف تاني مفرد وشراشف كتير والمخدات هي اليي فيها قحط شوية خاصة لو كل واحد يبغى مخدتين ..
كمان تقدري تجيبي اكياس كبيرة من السودة وتحطي فيها المخدات وتسحبي الهوا بالمكنسة وتقفلي الفتحة وتحطيها تحت سريرك ..