والله يابنات أنا عندي حالة قاهرتني من جد ,, وودي أعرف فيه أحد عنده هالحالة وإلا أنا أتميز بها << أحلى
طبعا أنا أحب الشيبسات وااشكولاته والايس كريم ,, وماأصدق الرجال يطلع من هنا إلا وأنا رايحة أسير على الثلاجة أشوف وش عندها !!
وأقعد أطقطق في النت وألحس وأملا بطيني ..الحالة اللي تقهرني أني يقطعني الحيا لو دخل الرجال وأنا قاعدة آكل .. ماأدري ليه هو حياء وإلا عشان مايقول وش ذي البقرة وإلا وش السالفة ؟؟,, المشكلة لي ثلاث سنوات متزوجة يعني معقولة للحين استحي منه !
والله يابنات اذا سمعت الباب وأنا قاعدة أبلع
تشوفوني أنخبص واتنافض << حشى الله لو أني قاعدة أدخن .. وأسوي نفسي أني ماني قاعدة أقرم وأبلع 
ولا بعد أقوم أخبي اللي آكله عند أقرب شي عندي ,, المشكلة لو كان اللي آكله شي يتمطط ويسيح .. وقتها مايهمني أخليه يملي الدنيا بس لايشوفني الرجال وأنا أبلع ..
بس أبشركم صارت أختي مثلي تقعد تاكل وإذا حست بجيته قامت وانطلت النعمة على واحد من مبزرتها !!:30:
وأنتم وش الحالة عندكم ؟؟:eek: