فيه احد جرب مثلي.. مشكلتي معاملة أخواتي السيئة ليّ

السلام عليكم
كيف حالكم ان شاء الله بخير والله يسعدكم ويوفقكم انا ابي اطلع لكم اللي بقلبي لأنه احس قلبي ثقيل ومثقل بالهموم
انا بلاني الله باخت من زمان شفت كراهيتها لي لكن كنت اوهم نفسي اني غلطانه
لكنها طلعت كل الحقد والكره خربت علاقتي مع اختي الصغيره صارت تكرهني وماتكلمني ودايم تاذيني بكلام جارح
ومااكتفت راحت طلعت اشاعه اني انسانه حسوده وخبيثه واتهمتني اني ادعي على امي بالسرطان
هذا غير انها تفتعل المشاكل معي على اتفه سبب ومرتين ضربتني ووجهي كله خموش وهذا غير الحش فيني ليل نهار كل مامر اسمعهم هي واختي للثانيه انا يابنات على نياتي والله يعلم اني اجمع حافزي علشان اشتري لهن هدايا واتقرب منهن خاصه اننا في بيت واحد لكن مافيه فايده معقول فيه خوات كذا ناس يحقدون بدون سبب علما ان الشغل بالبيت كله علي وهن اكل ونوم ومع هذا مااقول شي لهن معاملتهن احسن معامله وش الحل معهن نفسيتي تعبت والله كل مايصير شي قالن اني انا حاسدتهن لو يطيح جوالها ناظرتني حتى لو كنت في المطبخ جتني وقالت اليوم جوالي خرب من عينك وانا والله مادريت عن جوالها مو بس الجوال لو يجيها صداع قالت من عينك وانا معروف اني محبوبه وماعمري حسدت احد حتى خالتي وبناتها يحبوني ماعندي مشاكل مع احد
والله اليوم مااكلت شي قلبي يوجعني كيف اتصرف ؟؟ادعوا لي بزوج يعزني ويعوضني عن اللي شفته لاني صار لي سنه على هالحال معهن صبرت صبرت واللحين مقدر للصبر حدووووود