فيه احد قد سافر وأخذ البيبي معه(3شهور)؟

نصيحة
خليه عند اهلك
لو بتقولي عمره سنتين ثلاثة
بقولك هو متعب لكن عالاقل تشوفيه ينبسط يهون التعب

لكن ثلاثة شهور راح تتعبي انتي وياه:(
تعرفي مواعيد نوم تتغير
تغيير الجوووووو
لا تترددي خليه عند اهلك
وتروحي وترجعي بالسلامة:)

up

شوفي يالغاليه ..انا ماعندي عيال الي الان ...
بس خواتي وحريم اخواني مايسافرون الي مع عيالهم ...
وحده من خواتي ولدها ربي يحفظه من عمره شهر و هي تسافر معه طيران 22 ساعه وفيها ترانزيت بعد والان عمره 3 سنين وكل كم شهر مسافرين , مارح اقولك السفره مريحه كثير ,, لا طبعا بس صدقيني رح تكوني انتي مرتاحه نفسيا ان ولدك او بنتك معك مطمنه عليه ,,,
اطلبو بحجز الطياره انكم تكونون بالكراسي الي عند المخرج عشان يكون فيها السرير الطفل عشان لما ينام تحطينه فيه وترتاحين ..
بعدين انتي خذي الحيطه بكل شي ,,يعني رضيعه بالطياره اول ماتطير الطياره و اول ماتوصل مثلا عشان ضغط الطياره ومايصيح..
يعني خذي معك كل شي رح تحتاجينه من ادويه مثلا من غيارات كفايه ,, تأكدي من انك مطعمته تطعيمات هذي الفتره من عمره , خذي معك العربه اهم شيييييي ...
واذا ترضعينه طبيعي لا تنسبن االأله الي تسحب الحليب لانه موب في كل مكان رح تقدرين ترضعينه ف اسحبي حليب وخليه معك يوم بيوم عشان الطلعات والامور السريعه :) ومارح يكون مربك لذي الدرجه ...بالعكس والله من صغرنا و الوالده الله يطول بعمرها لما تسافر ماكنت تروح الا وماخذتنا معها ... وشوفي الان احلي صور لنا وحنا صغار مسافرين ... خذيها من ناحيه ايجابيه ولا تاخذين الامور بسلبيه يالغاليه ... فيها تعب صح ..بس حلاتها اكثر ...
ان ربي كتب و رزقني عيال ان شاء الله .. والله مااتركهم ثانيه وحده موب اسافر واخليهم ...
انتي مسافره لراحه بالك وتغير جو موب مسافره تحاتين البيبي وش مسوي بكل دقيقه :)

على حسب طبيعة ولدك .. اذا من النوع الي يصيح كثير ومغص هذا اتركيه ولاتفكرين تاخذينه .. اما اذا هادي بسم الله عليه خذيه عادي ..
انا مره سافرت وبينتي شهرين بس . بس كانت تنام كويس الحمدلله ماعندها مغص .. وانبسطت مرررره ولاكانها معي ..لانها صغيره تنام كثير ولاتدري عن شي تسحبونها معكم بس ..
وخصوصا اذا كنتي ترضعينها حرام تفطمينها عشان سفرم مسكينه ...

شوفي أختي أول شي استخيري بعدين قرري ......... وبقولك عن تجربتي .
عندي بنت عمرها ألحين الله يحفظها أربع سنوات ، وفي كل سنة من سنوات عمرها سافرت فيها _ لأن قلبي ما يطاوعني أخليها_ وشفت الفرق ......
أول مرة كان عمرها ثلاثة أشهر بصراحة روعة مرة ‘ أخذت عربية من مذركير كبيرة وأحمل فيها من كله شنطة مليانة تغييرات ومناديل للتعقيم وموية للغسيل وموية للشرب وللحليب ، ومع العربية يجي غطاء إذاكان الجو بارد ، ورحت لكل مكان وهي تنوم في العربية على بالها نتمشى فيها ، وأخذت لها خافض حرارة ومقياس حرارة أحتياط ......
والسنة إلي عقبها كان عمرها سنة ونص وهنا التعب لأنه لازم لها وجبات غير الحليب ‘ وتبغى تنزل من العربية .......
وإلي عقبها مثل ............
وآخر سنة أم الدواهي علمتها للحمام الله يكرمك والنظيف منها غير متوفر ، وتركض من هنا وهنا ، وإذا جت تاكل حاست ........... الله يصلحها ........
والزبدة ترا هالعمر هو أحسن عمر للجرجرة وأما الباقي تعب ومرارة ريق ........