فيه احد مرت عليه هالحاله (فقدان الشهيه )

السلام عليكم

عندي بنت عمرها سنه وشهر

لها قرابة الأسبوعين وهي رافضه اي اكله مفيده

ماترضى تاكل ( رز - خضار - مكرونه - خبز - جبن - بيض - لحوم - عدس ,.,,,,, الخ ) كل هالوجبات المفيده

ماترضى تاكلها والله تقوم حرب ونجلس ساعتين احاول فيها تاكل او تاخذ مني وتسكر عليه بفمها ليييييييييين

ينطحن الحب اللي براسها وتطلعه ,,,, تعبت تعبت تعبت مره معها مادري وش اسوي فيها

ولو جبت لها اي اكل حالي بسكوت زبادي فواكه سيرلاك بتاكله بس غيره لا

انا ماودي اخلي كل اكلها كذا حالي لأنها راح تتعود وترفض اي اكل مافيه طعم حلى

مع انه اول مابدت تاكل بديت لها بالخضار قبل الفواكه عشان ماتتعود عالحالي

وسبحان الله الحين انقلبت الآيه :06:

وش اسوي فيها هدت حيلي

يعني تخيلوا يوم كامل الغدا تغدت زبادي والعشا شابوره بسسسس

قللت لها الرضعات قلت يمكن الحليب يسد نفسها

صرت اعطيها فقط رضعتين باليوم وحده قبل تنام والثانيه خلال النوم يعني ابد مو بوقت الوجبات

وبرضو ترفض الأكل ومره خليتها فوق الخمس ساعات رافضه تاكل

قلت بخليها لحج ماتجوع ونفس الوضع ماتغير.... ولو جبت لها حليب بدال الغدا او العشا بتشرب بس اكل مابي...

حتى الأكل اعطيها من اكلنا يعني مو اكل خاص فيها كان اقول كارهته بس ابد ابد ولا ينفع معها شي :(

,,,,,,,,,,,,,,,,,,,,,,,,,,


جبت من الصيدليه فاتح شهيه اسمه Minadex

بس المشكله مكتوب عليه منشط وفاتح شهيه يعني اخاف يعطيها نشاط اكثر وتتحرك اكثر ماتستفيد من اكلها

نحرق واخاف ماتنام زياده على ان نومها قليل

بالنسبه للتسنين اخر شي طلع قبل اسبوعين وزياده والحين ماشوف عليها اعراض تسنين