فيه احد من محافظة المجمعه

up

شوفي حبيبتي المجمعه حلوه افضل من القرى
عندهم بنده حلوه متوفر فيها اشياء كثيرة وبنفس المبنى عندهم نكتار
وسيتي ماكس نفس بضاعة الرياض ومحل للهدايا

وفي المجمعه برضوه العثيم ما رحت له الا اول ما فتح كان عندهم محل مكياجي لكن ما ادري الى الان فاتح او لا؟؟

وفيه مركز اسماء للملابس فقط مثل الهرم
وفيه ايضا المجمعه سنتر حلو بتاع كله ملابس ومواعين والعاب وجزم لكن الملابس عادية
وفيه السوق العادي اللي محلات على طرف الشارع يجي منه احيانا
لكن الماركات ما عندهم

بالنسبة لي يفك ازمة والا غالبا اروح للرياض

إذا تبين الماركات الصح روحي لمولات الرياض أزين لك
والا المجمعه سنتر تمشية حال وبس

البنات كفو ووفوا

عندهم بعد هرفي وكودو وحانط والاجداد وباسكن وبيتزا ان والدجاج المميز ومكدونالدز سمعت بيفتحونه قريب
وعندهم ملاهي سفوري لاند فوق العثيم

حبيبتي انا من سكان المجمعة وعارفتها شبر شبر

بس تزوجت ونقلت بالرياض حاليااا بس ازورها عشاان اهلي فيها

بس سبحان الله بالعيد والمناسبات ما اتقضى الا منها مدري عشان السوق قريب يمكن ويمكن عشااني اعرف اسواقها

ويمكن بعد عشاان ذووقي والقى حاجتي بسرعة <<< :)

...

شووفي الملابس الكشخة واللي على مستوى رووحي لمحل العسكر التجااري فية من الملابس لين تقوولين ااااااااامين

الكشخة واللي مو كشخة بمجرد ما تدخلينة تلقين محلات كثيره يعني لادخلتي محل تلقين باب ثااني بالجهه الثانية من المحل

اذا رحتي له يوديك لمحلات ثاانية وفيه اكسسوارات حلووه وشنط تقليد ماراكات امس شفتهن الوحدة بـ 70 ريال

ومجمع اسماء التجاري هذا لحاله بس قريب من العسكر لفة لفتين وانتي عندة

على قولة الاخت مثل الهرم يعني لملابس البيت والطلعات العادية وفية قسم ولادي وبناتي ونساائي والدور الثااني من اسماء

حق الجزم وملابس المواليد واسره ولفات يعني جميع ما يتعلق بالمواليد

فية مجمع نسااائي ماله شهر فاتح بس مو كل المحلات فاتحة توهم بااادين يطورون فية ما اعرف عنة كثير لانه جديد

بس انا رحت شفته انا وخواتتي فية ملابس عادية وفية محل للمره المتزوجة يعني شموع واغطية والاضاائات والخرابيط هذي

بس يقولون اذا تطوور نجيب اكثر

وفية كوفي شووب وفية ملاهي للاطفال

ويقولون بالدور الثااني بحطون صاله ريااضية لنسااء وممشى لهم واستراحات يعني فلللللللللللله

وهذا الرابط حقة والصوور موجودة فية

http://www.faiha5099.com/new/news.php?action=show&id=2344

وفية كذا محالات بشارع الاربعين اسمة العوالي يعني يسمونه قيصرية العوالي

بعد ملابسة حلووه ... وفية محل المميز لتوفير فية خرابيط المطبخ والهدايا والتحف وشبصات وهيك

ومثلة المجمعة سنتر بس المجمعة احسن لشباصات الشعر

وفية محل اسمة بيبي لاما للاطفال ببببببببببببببببببس ... بس والله ياااهو جنااان وكشخة خذي وخلي منه للمناسباات والاعياد

.....

ومن نااااحية المشاغل حقات المكياااج فية كثيييييييير

بس انصحك وانصحك وانصحك وانصحك بمشغلين بس

(( مشغل روز النسائي بشارع الربعين _ ومشغل دار الازياء النسائي بشارع الاربعين بعد ))

وعن تجربتي انا مو عن كلام النااااس والله ثم والله زواجات اخواني وخواتي وقرايبنا بالقصيم وما نعرف مشاغل كويسة هناك

نقووم من السااعة 9 الصبااح بنفس يوم الزواج ونرووح للمشغلين طبعا نتوزع عشان نخلص وعائلتنا كبيره ويخلصونا

الساعة 1 الظهر ونروح لبيتنا ونجهز ملابسنا ونطلع على طول للقصيم للقصر طوالي ونرجع لبيوتنا للمجمعة والله يالمكيااج ملزق بالوجه تلزيق ماسااح ولا شي

والله اني ودي اووريك صوور لي ولخواتي واحنا مسووين مكيااج عشان تتاكدين بس اذا ودك ارسلك بالاميل عشان تتاكدين

......

ومن ناحية الاكسسوارات والمكيااج

انصحك بمحل ( ثواني _ ومحل سلسال بالعسكر _ ومحل مشاعر بالعسكر بعد ) فيه كثير يالغالية بس هذولي احسن

وانا ما اشري الا منهم يجنننون

....

اما من ناحية الفساتين اكذب عليك اذا قلتلك نشري من المجمعة

فية محل واحد للفساتين بس مقرف موحلوووووووو ابد ابد

اصلا من خلقتنا ماعمرنا شرينا من المجمعة واصلا مافيها

نرووح للرياض نشري ولا للقصيم ولا لزلفى هذي اقرب المناطق عندنا

....

هذا اللي عندي الغالية واذا تبين اي شي ثاااني انا حاضره ارسليلي بالخاااص وراح اعلمك باللي تبين

اتمنى اني افدتك