فيه جني اقلق حياتي >> هل من معجزه بإذن الله

انا سجينه بجسدي بتكلم باختصار شديد
انا احس اني أعيش داخل بالونه شفافه 
رغم اني جميله ماشاء الله ولله الحمد ومحبوبه سابقا طبعا واجتماعيه
الا ان اي احد يقترب مني لااازم يبتعد الناس يرغبوني وفجاه يهربون بوضوح حتى أهلي يلاحظون ماكنت كذا طبعا 
بنت اختي صغيره بأول متوسط تقول خاله انتي كل شي فيك حلو بس احس ان الحياه ماتحبك كل شي يخرب
>>حاسه فيني شي واضح للجميع 
خطيبي واللي احبه لي سنين طبعا من بعيد لبعد كان يبادلني الشعور فجاه
انقلب وهرب مع الكثير من الاشياء اللي تفشل والاهاااناات >> السكوت ارحم اذا ضاق الحكي 
طبعا ماتفاجئت وشوله امثل انا اعرف وضعي عقب هالآفه اللي صابتني
عندي صديقه خاصه من ايام الدراسه قبل يصيبني هالشي الغريب وهالحين تستغرب
من تهربي منها مابي اعزمها واطلع معها ايييه انا اذا توطدت علاقتي بأحد لازم تخرب فجاه
صديقتي اللي قبلها كنا اكثر من خوات 10 سنين قبل المرض رجعت من السفر وعزمتها وعقبها اختفت المهم انا مااوقف عند موضوع
لكن خلال سنوات جربت كل شي سورة البقره اقرأها وأسمعها  وال عمران ويوسف والصافات كل القران احيانا اختمه
واداوم على قراءته زيت ومويه مقري فيه اتسبح وادهن جميع انواع الرقيه الشرعيه والرقاه بكل مدينه ومشهود لهم يقولون مافيك حتى اعراض سحر والحسد ولامس ماتتاثرين لو نقرا شهور وش اسوي رحت لهم مافيه فايده أصلا
انا وانا اقرأ القران مااحس بضيقه ولا احس بأي شي بس احس بحياتي شي غررريب جدا حتى اغراضي الشخصيه
اللي احبه ويعجبني لازم ينكسر والا يضيع تصدقون حتى الهديه اغلفها بهديها لحد اما مايحضر والا تضيع والايصير مشكله مع اللي بهديهم وتخرب واستغفر سنين ما ترك الاستغفار وأتصدق بكل مااقدر وكل أحلامي يفسرونهاالشيوخ ان الله راضي علي وأني مرضيه والديني دايما احلم بالرسول الكريم كذا وصلت مرحله يوم قربت ادخل الثلاثين اتسامح من كل الناس القديمين ادورهم ويقولون وش أصلا مانذكرك الا بزر بالثانوي ماجانا منك الا كل خير بالعكس كنتي تسلينا بالفصل تعبت جربت حتى المسك الأبيض والأسود الدهن فيه قبل أنام السدر جربته موية زمزم حتى الطبيب النفسي زرته بجرب قال سليمه اشياء كثيييره ذاك اليوم خطبني واحد واصلا ماعندي نيه اوافق بس اخته ازعجتني << ادري انهم بيهربون بعد فتره قلت خليني اشوف اخرها ياجماعة الخير أفكر بيني وبين نفسي قلت يالله اهم شي انه شاب محترم ومو عصبي شوي الا تطلع سالفه انه عصبي جدا ومايعدي قلت يالله و عديتها اهم شي انه حالته الماديه كويسه بعدها بيومين طلع اثنين يطلبون ابوه وهو الكبير لهم اكثر من عشر سنين ماطلعوا وعديتها رغم انهم ضفوا فلوسه وفكرت بشي عاد يهمني هالشي والمغرب طلعت عنه سالفه تفشل بخصوص هالشي >>ياحيل الله ياقوي الحيل تفشلت انا المهم رفضته أكيد لاني أصلا مااحبه وراح بسبيله وانا مازلت أفكر بحالتي ذاك اليوم جالسه وأدور حل لعل الله يرحمني قلت ببالي حارتنا والله مو حلوه ومدينتنا ممله بس المهم جيراننا كويسين جت أمهم بعد اسبوع تقول فكرنا بنشد عن المدينه وشدوا << لحظه مين اللي يسمع تفكيري ويقهرني يسوي عكسه بتقولون لاتفكرين حتى لو مافكر يصير عكس ماابي ادري بتقولون الأشياء عاديه لكن اذا صارت كل يوم على مدار 13 سنه مو عاديه عاد ذاك اليوم خطيبي السابق 💔هو قاهرني بموضوع بس انا سامحته احبه مابي ينضر وسمعت انه من بعد ماضايقني انعفست حياته وصارت له اشياء تفشل >>لوسمحت يالجني مالك شغل تدافع عني انا سامحته والا غيران منه الله يلعنك 💀 دائم احلم اني اطير قالوا فيك مس طائر عشان كذا يروح وقت القراءه ويمشي بقربك كل الوقت ما يتأثر >> هذا اكثر تفسير اقنعني 😑لأنه مو بجسدي متأكده انه حولي وهذا يضر اكثر رغم اني حتى رقية المس الطائر جربتها سنه تخف الاعراض وترجع انا اعراضي الملازم كل فتره حرقه بالبطن وحراره بالصدر وضعف بالنظر وحاله تطلعني من الحياه حتى البيت احسه مو بيتنا ولا الشمس لونها بعيني غريب بعدين مشاااعري فوضويه افرح فجاه واحزن فجأه وأصير طريحة فراش ماقدر أقوم حزن على شي معين وبعد فتره بسيطه يصير مايهمني ابددد اعصب فجاه مره أكل عادي وعصبت بقوه وكسرت الكأس انتبهت لنفسي وانا مااقدر اسيطر على نفسي مره بس شفت بالمرايه عيون مش عيوني مخيفه وهربت احلم دائم بعقارب وثعابين وأني بمقبره وملابسي ناشبه مقدر اطلع وأحلم بسرطان البحر وأحلم بصره سوداء تجيني من جبل بعيد وثعابين خضراء كثير ولاتضرني بس تعيش معي والناس يقولون وشلون تعيشين معها اقول عادي ماتاذيني وأحلم بأبره طووويله داخل جسدي وأني مسجونه بغرفه مالها مقبض باب ملحم بحديد وأني مأسوره بنص البحر آمنت بالله يمكن مس والا سحر بس 13 سنه محاولات جاده مانفعت حتى الذئب قالوا يهابونه الجن ولااستفدت انا حياتي مع وقف التنفيذ لادراسه لاوظيفه لاعلاقات تستمر انا احس دايما بوجود شي حولي وخيال واضح جدا وأحس انفاسه واحسه يجامعني ويشد شعري ويتحسس جسدي ولكن  اقرا قران وأشغل البقره عندي ويجي >>مسلم مثلا والا معاهده والا وش السالفه ابفهم