فيه حريم محومات تسبدي

بدون مقدمات بس بقول اللي بخاطري :)
فيه شي يشب تسبدي ببعض الحريم تذم بأهل زوجها وتتكلم عنهم كلام بايخ مايعرفون يلبسون ماعندهم ذوق بيتهم عفش مايعرفون الطبخ اي شي مو زين تقوله فيهم

مو عشانهم اختاروك زوجه لولدهم تنفشين ريشك ترى كل الحريم وقع عليهم الاختيار وصاروا زوجات هههههههههه


وبعدين مو انتي تقولين ماعندهم ذوق وانا اكشخ منهم واحلى ومدري وشو اذا تشوفين انهم كذا معناه فعلا ماعندهم ذوق حتى باختيارهم لك زوجه لولدهم اي وحده تقول عن اهل زوجهاا ماعندهم ذوق ترى ينعكس عليك انتي هههههههههههههه يعني لو كانوا يعرفون الذوق كان اختاروا وحده احلى واسنع منك

صح كلامي
كثير اسمع من بعض الحريم هالعبارات واستغرب يعني انا اشوفها عاديه مافيه زود ومع ذلك تذم اهل زوجها بحاجات هي اردى منهم لاباللبس ولا بالطبخ بس عشان كم وحده مدحتها حطت نفسها احسن العالم تخقني العبره عليها



ومن جهه اخرى اهل الزوج يشووفون زوجه ولدهم قبيحه ماتعرف لبس طبخ اناقه ماعندها ذوق وكله تطنز وحش فيها يعني انها فشلتهم طيب انتم اخترتوها نفس الشي لو كان انتم عندكم ذوق كان اخترتوا وحده سنعه بس لان ماعندكم ذوق هذا اختياركم اللوم عليكم انتم وذوقكم طبعا من وجه نظركم ولاحظتها كثير يختارون البنت ويمدحون فيها واذا اخذوها يبدون يذمون ويتطنزون ويتريقون عليها وودهم انهم مااستعجلوا وتوهقوا


اترك لكم المايك :)