i Moo :

وضعها مو ثابت وقضيتها عند الحمايه قبل 4 سنوات ممكن جارهم بلغ عنه وراحت هي لامها من اربع سنوات قبل كم شهر قال انه مركب كاميرات مخفيه كان بغرفتها ومحد سجل كلامه لأنه فجأة والقضيه تقفلت لو بلغت وجحد ايش الحل

وضعها مو ثابت وقضيتها عند الحمايه قبل 4 سنوات ممكن جارهم بلغ عنه وراحت هي لامها من اربع سنوات قبل...

بنت الكويت. :

انتي بصفتك منو تبلغين عنه يعني شنو علاقتك فيها اختها او بنت عمها او منو والله ما ادري اذا جحد وش بيصير بس المفروض يكون عندك دليل هل عندك دليل على انه مركب كاميرات بعدين هل البنت ذي هي مكلفتك تتابعين قضيتها ولا انتي من نفسك قاعدة تتصرفين اذا هي مو مهتمة او ما باليد حيلة فخلاص لا تنبشون ابوها خلوه في حاله وهي في حالها وهو حسابه على الله انا حاسة انك مقهورة عليها بس اذا مافي دليل ممكن يقلب الطاولة عليكم ويعتبر انكم قذفتوه او افتريتوا عليه او تجنيتوا عليه باتهامات باطلة وبعدها وش يفككم منه الله يصلح حال البنت ويعوضها عن ما فاتها يأيام سعيدة

انتي بصفتك منو تبلغين عنه يعني شنو علاقتك فيها اختها او بنت عمها او منو والله ما ادري اذا جحد وش...

عواطف تركي . :

عزيزتي والله اعرف ان ابوها اللي سواه غلط وحتى هو يعرف انه غلطان لكن هذي نتائج الطلاق للاسف الضحيه هي البنت ولما اقول خلاص خلوها تسوي سكب للماضي وتعيش حياتها مو معناته ان ابوها ما غلط لا هو غلطان بس وش تسوي انتي جاوبي بذمة وضمير اذا تحبين البنت وتبين لها الخير بصدق ترى انا حياتي بطفولتي ومراهقتي ماكانت حلوه وكان عندي هموم ومصايب فوق طاقتي لكن خلاص الانسان مع الايام ينضج ويتخطى ويسامح بالنهايه هم امي وابوي لو احفر الصخر ماراح انلغي من اساميهم هذا غير موضوع البر اللي انا ملزومه فيه اهالينا ترى مو ملائكه مرو بفترات طيش وجهل وللاسف البعض مثل اهل هذي البنت لما يصير طلاق تصير عداوه وحرب وطرف يتسلط على الثاني لكن الحمدلله القانون يخلي اكبر راس فيهم يخضع وهذا هو المهم والله ان النبش بالماضي ماراح يخليها تتقدم خطوة للامام وبيخليها في غليان وحقد على الفاضي اللي لازم تسويه الحين انها تلتمس لابوها 70 عذر وتحاول تسامح او على الاقل تتخطى وتسلم الامر لله وتكمل حياتها يعني عقلها وفكرها تشغلهم بشي ينفعها ويطورها ونظرتها تكون للمستقبل لا تضيع من عمرها اكثر من اللي مضى الله يجبر خاطرها ويرشدها للصواب

عزيزتي والله اعرف ان ابوها اللي سواه غلط وحتى هو يعرف انه غلطان لكن هذي نتائج الطلاق للاسف الضحيه...

غـــيمة :

الحل انكم تتركونها تعيش بسلام كفايه ضاع من عمرها ٢٠ سنه حرمان وبهذله ابوها اذا مخطي في حقها بياخذ جزاه عند رب العالمين اذا فعلاً موجعه قلوبكم ساعدوها تنسى الماضي وتعيش باقي حياتها بدون مشاكل وقضايا ومحاكم حتى لو قدمت شكوى وابوها تعاقب قلوبكم بتبرد وترتاحون لكن هي لا الكل بيجيب سيرتها ماراح ترحمها الناس وتعيش بدوامه وصراعات من جديد

الحل انكم تتركونها تعيش بسلام كفايه ضاع من عمرها ٢٠ سنه حرمان وبهذله ابوها اذا مخطي في حقها بياخذ...