اختي دائما تعزم صديقتها في خيمة اهلي الخارجيه طبعا اختي متزوجة
لكن عايشه عند اهل زوجها في جناح وصديقة اختي تنحرج تجي
بسبب صغر منزل اهل زوجها وانه مافيه خصوصيه صديقة اختي ماعمرها عزمت اختي ابدا ومره احرجتها اختي وقالت الجمعه عند شي قالت صديقتها لا فاضيه قالت اجل بنجيك جهزي قهوتك
صديقة اختي تغير وجهها واسكتت بعدها بيوم دقت على اختي قالت الصراحه يا ام فلان انا وضعي زوجي مايطلع من البيت وينكد علي اذا جيت اعزم احد واذا على الكلافه او اهلك يتضايقون ترى ماينلامون نصير نتقابل برى او اجيب قهوتي وشاهي وحلا وفطاير عند اهلك وانتي بس جهزي الخيمه شوفي اللي يريحك اختي طبعا اقتنعت وقدرت وفعلا عزمناها كم مره وامورنا تمام لكن
اللي حصل اخر مره اجتمعو اطفال صديقة اختي واطفال اختي لعبو
بشتلات الورد وقطعوه وامي عصببببت
قالت جمعات في بيتي خلاص مافيه
راحت اختي علمت صديقتها عن اللي حصل وصديقتها انحرجت وحولت مبلغ ٢٥٠ قالت حطو بدال الورد اللي قطعوه الاطفال وانا اسفه وخلاص ماعاد فيه جمعات بالبيوت نكتفي بالكفايات
اختي حامت كبدها وملت قالت مو حل كفيات المفروض صديقتي تتحرك تحاول تقنع زوجها مو تستسلم انا ماقصرت فتحت بيتي وبيت اهلي لكن هي مو وجه خير وشالت اختي مره على صديقتها
وكتبت لها مسجات تعاتبها وانه ليش ماتقنع زوجها وليش مستسلمه وضعيفه وليش ماتعزمها في بيت اهلها زي ماهي كانت تعزمها في بيت اهلي ردت صديقتها انا ما اجبرتك تعزميني في بيت اهلك وانتي ماتدرين وش ظروفي ولا ظروف اهلي واذا عزايم بيوت بتفرقنا مع السلامه واختي انفقعت مرارتها وبس تدعي وتتحسب على صديقتها انا ما ادري الحق مع مين والله العظيم عجزت افهم اختي وعجزت اعذر صديقتها
رغدهـ @rghdh_3
محررة ذهبية
يلزم عليك تسجيل الدخول أولًا لكتابة تعليق.
فلانةة
•
المفروض العنوان في صديقات كذا، اختك مو طبيعية تتحسب على البنت وتبغى تزورها غصب، هذا وهي تعزمها بخيمة اهلك،اختك لو كانت صديقتي بقطع علاقتي فيها فورا لانها مو وجه صداقة ،أعوذ بالله ارتفع ضغطي وانا اقرا
اختك خسرت صديقة جدا كريمة ومحترمة وواضحة ..للأسف .
الصديق الحقيقي يعذر صديقة بل يخلق له الأعذار ..أفا عليها بس .
الصديق الحقيقي يعذر صديقة بل يخلق له الأعذار ..أفا عليها بس .
قصرت معاكم الحدائق العامة
الكافيهات والمطاعم
عادي اهم شي يشوفون بعض ويستانسون
انا احب الكافيهات النسائية رواقه بدون اطفال
خلاص كل واحد بظروفه وصح صديقتها في بعض الازواج والاهل يفشششششلون ولا يقدرون حتى الضيوف
وهي ما تبغى تحرج نفسها وصديقتها
يعني لو عزمتها وحطتها قدام اهلها او في بيت زوجها بموقف محرج كان زعلت وقالت لها ليتك ما عزمتني
ما تعرفين امكن هي انسانة مغلوب على امرها
وما شاء الله باين انسانه ذوق حولت الفلوس وما رضت بخراب
ولما اعتذرت صارحتها ما كذبت ولفت عليها
خلاص خلو جماعتكم بحدائق العامة وناسة والاجواء حلوه الان وعيالكم يلعبون ويستانسون
الصديق الحقيقي هو الا يوقف جنب صديقه ويراعي ظروفه
اما اذا اختك تبغى صديقة حق عزايم في بيتها والخ تدورلها وحده ثانيه
ولكن مالي داعي الاحراج وتقنع فيها وتتدخل في خصوصياتها وخصوصيات اهلها
الكافيهات والمطاعم
عادي اهم شي يشوفون بعض ويستانسون
انا احب الكافيهات النسائية رواقه بدون اطفال
خلاص كل واحد بظروفه وصح صديقتها في بعض الازواج والاهل يفشششششلون ولا يقدرون حتى الضيوف
وهي ما تبغى تحرج نفسها وصديقتها
يعني لو عزمتها وحطتها قدام اهلها او في بيت زوجها بموقف محرج كان زعلت وقالت لها ليتك ما عزمتني
ما تعرفين امكن هي انسانة مغلوب على امرها
وما شاء الله باين انسانه ذوق حولت الفلوس وما رضت بخراب
ولما اعتذرت صارحتها ما كذبت ولفت عليها
خلاص خلو جماعتكم بحدائق العامة وناسة والاجواء حلوه الان وعيالكم يلعبون ويستانسون
الصديق الحقيقي هو الا يوقف جنب صديقه ويراعي ظروفه
اما اذا اختك تبغى صديقة حق عزايم في بيتها والخ تدورلها وحده ثانيه
ولكن مالي داعي الاحراج وتقنع فيها وتتدخل في خصوصياتها وخصوصيات اهلها
ما فهمت ليش تتحسب عليها ؟؟؟ شسوت المسكينه هذا جزاتها صارحتها واذا زوجها كذا تبيها تعانده مثلا وتخرب بيتها بعدين عطتها حل مو لازم ف لبيت لجمعات فيه حدايق كافيهات اهم شي يشوفون بعض صصصراحه اختك غبيه اعذريني خسرت صديقه صريحه وكريمه وواضحه معها الله المستعان
الصفحة الأخيرة